Home Singer <<  
Worldknowledge1
 
 
 
 
 

Sona Mohapatra

(Interview)

Sona Mohapatra was born in 17 June 1976, she was born in katak which was a small city of Uresa. sone got her bachelor degree form collage of engineering and received her degree. And she took admistion for MBA , and also receiver her masters degree..  she is musician lyrics writer and also a singer, she became a part of different concert and perform all over the world. She is one of the most popular female singer in bollywood who already sang many songs for bollywood and prove her self. She also released her albums and music vedio. In the initial time when she was try to show her talent or ability that time she also sang for the television commercials. Actullay most of people didn’t know her but when she became the part of Amir khan show which name was Satye Meo jetay, in this programe she enter as a lead singer and a performer and also sang a song for this show which was more than 50,00,000 times watched on u tube, sona interduce her first album in 2007 and she started her bollywood singing career in 2009 from the movie aur paas ao na. sona marry with the famous music director ram sampath, who was the music director of the movie Dehli Beli, Talash and also the Amir khan show which name was Satya Meo Jetnay. Husband and wife both are the partner of a music production house, and they also own music studio. In this page you will find and read sona mohapatra singer.

 

Profile

Sona mohapatra music composer or geet nigar hai wo uresa ke shehar katak me paida hui us ne dunya ke beshtar mulkon me shows karne ke elawa album, singles, music video, film or ishteharat ke lye jungles gae hain. Sona ka nam us waqt manzar aam pr aya jab us ne aamir khan ke tv show satya meo jetay me lead singer or performer ke tor pr entry di us ka gaya hua gana Mujhe kya bache ga rupia……… show ki 3rd episode me nashar hua jise u tube pr 50,00,000 martaba dekha ja chukka hai. sona ne music career ka agaz ishteharat ke jangles se kya. 2007 me us ki pehli album sona ken am se release hui 2009 me Dil jale.. or pas aao na …….. jese singles manzare aam pr aae isi doran us ne aamir khan productions ki movie Dehli beli me ek gana record karwaya. Talash me bhi us ka gaya hua gana Jiya lage na ……… be had popular hua sona ki shadi music director ram sampath se hui jo k Dehli beli, satya meo jetnay or Talash ke music ki waja se jana jata hai dono muyan biwi music production house me partner hain or un ka apna studio bhi hai. sona ne collage of engineerin and technology se B Tekki degree hasil ki phir us ne MBA kya. Hal hi me nayi film Fuqre me us ka gaya hua gana ambersar ya……….. maqbol ho raha hai.

Question: kya tum bata sakti ho k Fuqre ka gana Ambersar ya…………. Kab or kese record hua?

Sona: ye ek halki phulki tafrihi film hai jo dehli ke pas manzar me banai gai hai jab is project ka agaz hua to main ne dekha k sare gane mardana awazon me record ho rahe hain is pr main ne ahtajaj kya akhiri waqt me ye gana shamil kya gya or ram ka khayal tha k film ke lye ek love song hi kafi ho ga main ne subha 3 baje ye gana record karwaya go k usi rat ko is ka Panjabi version bhi record karwa chuki thi lekin ram ne fesla kya k sirf hindi version hi munasib hai tahum mere israr pr Panjabi version ke kuch hise shamil kar lye gae is gane ka boht acha response aya hai mosici, shairi, awaz or sazon ki waja se ye sunne walon ki tawaja ka markaz ban gya hai sachi bat to ye hai k mujhe aesa hi music pasand hai.

Question: tum fuqre ke sound track ki executive producer bhi ho is hawale se tumhari kya zimedariyan thin?

Sona: hum ne ab tak jitney bhi project kye hain un sab me executive producer ke tor pr hi kaam karti rahi hon is position me reh kar mujhe kai zimedariyan nibhani parti hain jin me project ke lye sarmae ki farahimi bajat control mukhtalif qisim ke muahide karna chahe wo singers se hon musician se ya sound engineer se.

Question: bollywood me kuch logon ka khayal hai k tumhara sara tajurba ram sampath ki dhunon tak mehdud hai ye sun kar tumhen kesa lagta hai?

Sona: main ne beshumar live shows karne se inkar kar dya jahan mujhe popular ganon ke lye kaha jata tha jahan tak bollywood ka taluq hai mere gane mojuda dor ki orat ki kefiyat ko zahir karte hain. Ram jis khubi se aese ganon ki dhunen banate hain shayad koi dosra music director aesa na kar sake mujhe ram ki khub sorat dhuno me gate hue fakhar mehsos hota hai or janti hon k sirf main hi un ke sath pura insaf kar sakti hon. Ram ke sath kaam karna mere lye ek ejaz hai agar koi acha gana mil jae to dosre composers or musi c director ke lye bhi ga sakti hon.

Question: tumhari choti behan pratichi ne pop singer ke tor pr nam kamaya lekin tum ek mukhtalif raste pr chalet hue aage chali gain tumhare khayal me paratichi se kya galti hui?

Sona: main nahi samjhti k us ne koi galti ki sab jante hain k pop music ki market taqriban khatam ho chuki hai or is ki zyada tar zimedari music companies pr aid hoti hai jinhon ne geet nigaron or music composers ko intehai kam maoze dye. Aesi sorat me acha music kese takhliq ho sakta tha is ke elawa main ye bhi nahi samjhti k reality shows naye logon ke lye koi munasib plate form hai ab tak yahi dekha gya hai k in shows me jitney wale singers amli zindagi me koi jaga nahi bana sake in tama masail ke bawajud paratichi ne boht acha kaam kya hai or agar wo khabron me nahi hai to is ka ye matlab hargiz nahi ho sakta k us ka career khatam ho gya hai.

Question: tum ne engineering ke sath sath MBA ki degree bhi hasil ki phir music ko career ke tor pr q apnaya?

Sona: ye to boht purani bat ho chuki hai middle class gharanon me agar bacha apni class me first araha ho to us se yahi tawaqa ki jati hai k wo mustaqbil me doctor ya engineer bane ga jabke haqiqat ye hai k parhai ke sath sath main shuru se hi music me bhi dilchaspi leti thi meri degrees or corporate world ka tajurba ab bhi kaam araha hai balke is ki waja se main boht se mamlat ko behtar tor pr samjhne lagi hon jesa k aap jante hain k gane or band ke sath perform karne ke elawa apna music production house bhi chalati hon jahan mujhe degrees se boht madad mil rahi hai.

Question: kya tum samjhti hon k kisi film me original sound track ki ab bhi ahmiyat hai?

Sona: gane hamari filmon or zindagi ki roh hain hum in ke zarye filmon me mukhtalif jazbat ka izhar kar sakte hain jo k baz oqat makalmon se mumkin nahi hota shairi or achi dhun sunne wale ke dil pr asar karti hai or wo in jazbat ko behtar tariqe se mehsos kar sakta hai yahi waja hai k ganon ki waja se un ki filmon ko bhi arsa daraz tak yad rakha jata hai maslan main jab bhi lata gee ka gana Jab pyar kya to darna kya ……….. sunti hon to mere samne mugale azam ka wo manzar ajata hai jis me madhubala anarkali ke rop me apne jazbat ka izhar kar rahi hoti hai. 

Question: tum apne shohar, music composer or singer ram sampath ke sath kaam kar rahi ho kya kabhi kisi mamle pr ikhtelaf bhi hote hain?

Sona: hum apne music production house ke partner hain lekin professionally or personaly me ram ki ejaz karti hon q k woe k sacha takhliq kar hai wese to ghar me bhi miyan biwi ke darmiyan onch inch hoti rehti hai or jab kaam ka pressure zyada ho to is ka imkan barh jata hai is ke bawajud main ye kehna chahon gi k hum dono ki khud mukhtar zindagi hai main boht zyada traveling karti hon kabhi tanha or kabhi band ke sath jabke ram ghar pr bethne wala shakhs hai q k is tarha use takhliqi kamon ke lye ek pur sakon mahol muyasar ata hai.

Question: tv show satya meo jetey ne dekhne walon ko ek nayi soch se roshnash karaya ye batao k tum is tajurbe se kis had tak mutasir huin?

Sona: is me koi shak nahi k woe k gair mamoli show tha main is project me sirf artist hi nahi balke executive producer ke tor pr bhi shamil thi or mere lye ye ek full time job ban gya tha jise mujhe pura waqt dena para, geet nigar ram sampath or show ke director ke sath tawil session karna hote the or akhir me aamir khan se discus karna parta tha jo choti si choti tafsil me jane ka adi hai lekin ye safar boht kamyab raha or is ka acha natija samne aya. As a person main hamesha hi apne mahol ke bare me hasas rahi hon lekin ye mehez ibtada thi or is se bhi aage ke bare me sochti rehti hon.

Question: aamir khan ke sath kaam karne ka tajurba kesa raha?

Sona: main samjhti hon k wo behtrin producer hai jis ke sath har shakhs kaam karna chahta hai us ki khobiyon ko alfaz me bayan karna mumkin nahi bas itna keh sakti hon k us ka kaam bolta hai.

Question: is show ka ek gana Mujhe kya bache ka rupiya………. Boht popular hua tum is bare me kya kaho gi?

Sona: ye gana lakhon logon tak pohncha or is pr hone wale rade amal ne puri team ko heran kar dya mujhe dunya bhar se e-mails wasul huin jin me kaha gya tha k is gane ne logon me kis tarha taqat or qowat bhar di main samjhti hon k kisi artist ke lye is se zyada khushi ki bat koi or nahi ho sakti is tarha mosici ki taqat phir mera aetabar or barh gya main jan gai k yahi wo medium hai jis ke zarye aap na sirf kahani bayan kar sakte hain balke tabdili bhi la sakte hain. Logon ka rade amal boht hosla afza tha or kuch to itne personal ho gae k unhon ne publis muqamon pr bhi apne jazbat ka izhar karne me kisi taklif se kaam na lya main ise apni zindagi ka aham sange mel samjhti hon.

Question: tumhare khayal me kisi singer ke career ko aage barhane me classical mosici ki tarbiyat kitni ahmiyat rakhti hai?

Sona: hamare yahan boht kam log is pr tawaja dete hain. Logon ko cinema hall me ja kar gane sunne ka to shoq hai lekin wo kabhi is ki tariki me nahi jate boht kam gano me Hindustani music ki jhalak nazar ati hai ab janubi mashriqi asia ke mulkon me magribi mosici ka ansar dakhil ho gya hai jabke hamen apni mosici pr fakhar karna chahye jesa k sabhi jante hain k hum log 2 chezon se boht pyar karte hain yani desi khana or desi gana.

Question: tum libas ke mamle me bhi kafi infaradiyat ka muzahira karti ho is ki koi khas waja ?

Sona: mere khayal me libas meri shakhsiyat ka aina dar hota hai main kabhi aese kapre nahi pehan sakti jin se meri shakhsiyat ki akasi na hoti ho koi designer ya brand friend nahi hon albata mukhtalif mulkon me jane ka moqa mila or wahan se jo kapre kharide unhen zpni pasand or moqa mehel ke mutabiq pehanti rehti honk hush qismati se kai mulkon me gai hon or wahan se jo kapre ya jewelry kharidi us ki ek kahani hai mujhe apni jaron se pyar hai or zyada tar wahi libas pehanti hon jo mere profession ke aetabar se munasib ho.