Home T.V Actors And Actresses  
Worldknowledge1
 
 
 
 
 
Anas Raseed was born on 31 August 1980 in Malerkotla, Punjab, India, Anas Rasheed belonged from a Muslim family.he has two bothers and two sister. Anas Rasheed started his career from the darama serial “Kahien to hoga” in this darama he play the role Kartik Ahkuwaliya, and then performed in different daramas. Asnas rasheed also a well trained singer. In this page you will read and find Gossip with interview of Anas Rashid in Urdu and Hindi.

(Interview Of Anas Rashid)

 
Anas Rashid

Profile

Anas Rashid 31 august 1980 ko panjab ke shahar malyar kotla ke ek muslim gharane me paida hua wo apne behan bhaion me sab se bara hai jabke us se chote 2 bhai or 2 behanen hain us ne saicology me post graduation kar rakha hai madri zuban panjabi hai lekin wo urdu, farsi or arbi bhi basani bol sakta hai urdu mediam school me talim hasil karne ki waja se use urdu bolne or likhne me koi mushkil paish nahi ati jabke us ke ek chacha university me shoba farsi ke sarbara hain or un ki sohbat me reh kar anas ko bhi farsi bolne ka shok ho gya use bachpan se hi bara aadmi banne ka shok tha or chahta tha k kisi bhi tarha mashor ho jae chunancha doston ke kehne pr us ne 2003 me mister panjab ke muqable me shirkat ki or fatah qarar paya phir wo mumbai chala aya or actor banne ke lye dor dhop shuru kar di bilakhir use star plus ke serial Kahin to hoga me kartik ahowalia ka role play karne ka moka mil gya tahum is show me kisi ne us ki adakari ka notes nahi lya 2006 me use popular show Dharti ka veer yudha prithvi raj me young prithvi ke role me cast kya gya us ka agla show Aese karo na widha tha in dino wo star plus ke show Diya or bati hum me suraj rathi ka role play kar raha hai is show me us ki adakari ko behad saraha gya or use 2012 ka star parivar award bhi mil chukka hai co actor dipika singh ke sath us ki relationship ki khabren gardish me hain lekin abhi tak kisi janib se us ki tasdiq nahi ho saki.

Question: acting ka silsila kese shuru hua?

Anas: sach to ye hai k main ne kabhi adakari ke bare me socha bhi na tha or actor banna mehaz ek itefaq hai jin dino collage me parh rah tha to doston ne majbor kya k mister panjab ke muqable me hissa lon q k achi shakal ke sath oper wale ne mujhe ek khobsorat jism bhi ata kya hai ye bhi bata don k mera taluq panjab k eek chote shehar malyar kotla se hai jahan ke logon ko ye bhi malom nahi k modeling kia hoti hai mister panjab ka muqabla jetne ke bad ek director ne mujh se music video ke lye rabta kya or main ne lagatar 6 music videos me kaam kya sab log mujhe screen pr dekh kar heran reh gae or un ka yahi kehna tha k ab meri agli manzil television honi chahye.

Question: music video me kaam karne pr ghar walon or rishte daron ka kya rade amal tha?

Anas: waldain ne to hosla afzai ki mere abu ka kehna tha k agar is field me kamyabi ka imkan nazar nahi ata hai to mujhe zaror aage barhne ki koshish karni chahye lekin rishtedaron or mahele walon ko mera ye iqdam pasand nahi aya or un me se kai ek ne hamare ghar ana chor dya mere kuch cosines medical or engineering se wabasta hain jabke main ne jis field ka intekhab kya us me muujhe larkion ko gale lagana or un se romance karna tha koi bhi is haqiqat ko samjhne ke lye tayar nahi tha k ye sab kuch masnoi hai or haqiqat se is ka koi taluq nahi.

Question: is ke bawajud bhi tum ne apna faisla barqarar rakha?

Anas: mujhe khandan walon ko qail karne me 2 sal lag gae phir waldain ki taraf se ijazat milne pr 2005 me mumbai agya apne ek dost se 5000 rupee udhar lye or mera khyal tha k ye raqam guzare ke lye kafi hogi lekin wo paise 1 mahine me hi khatam ho gae ek waqt wo aya k mere pas khane ke lye paise nahi the trainon me dhake khata phirta tha phir ek roz ek dost ne mujhe balaje tele films ke bare me bataya or ekta kapore ka number dya unhon ne mujhe foran hi bula lya or audition ke bad Kya hoga nimmo ka me ek role ke lye select kar lya wo meri zindagi ka yadgar din tha lekin abhi is show ki recording me kuch waqt baqi tha isi doran ekta gee ne Kahin to hoga me mujhe ek role de dya ye show pehle se hi on air tha is tarha mere tv career ka agaz hua.

Question: suna hai k actor banne se pehle tum ne apne shahar me koi resturent bhi khola tha?  

Anas: G han! graduation karne ke bad main ne nokari ki talash me waqt zayah karne ke bajae apna karobar karne ko tarjih di or ek fast food resturent khola us chote se qasbe ke logo ke lye ye ek nayi chez thi jabke main pizza or burger se bakhobi waqif tha chandi ghar me talim hasil karne ke doran dosre class follows ki tarha main ne bhi ek fast food resturent me part time job kit hi wo tajurba mere kaam aya is ke sath hi main ne desi chat pate khane bhi introduce karwae or pehli bar apne shahar me home delivery system raij kya agar actor na banta to shayad kisi boht bare fast food chain ka malik hota.

Question: malyar kotla se mumbai tak ka safar kesa raha?

Anas: meri jadojehad ki dastan tawil or dard nak hai mumbai ek ajnabi shahar tha or sab se bari problem rehaish ki thi chunancha main ne mumbai central plat form ko apna thikana banaya or sara din bason or trainon me dhake khata phirta lekin main ne himat na hari or kisi na kisi tarha ekta kapore se rabta karne me kamyab ho gya us ke bad ka safar qadre asan tha or ab main pur sakon andaz me aage barh raha hon.

Question: tum Dya or bati hum me suraj ka character kar rahe ho jo k tumhari real life se bilkul mukhtalif hai ise karne me koi dushwari to nahi hui?

Anas: aap ka khyal galat hai sach to ye hai k suraj se boht milta julta hon us ki tarha mera taluq bhi ek qadamat pasand chote gharane se hai or bachpan se hi apni family or doston ko support karta araha hon is lehaz se dekha jae to mere lye is character ko karna bot hi confortable hai q k khud bhi in jese halat se guzar chukka hon.

Question: is safar ke doran tumhari kon si khobian or khamian samne aain?

Anas: 3 salon se musalsal shows kar raha hon in ke darmiyan jo thora boht waqt mila wo main ne naye character ki tayari ke lye waqaf kar dya agar show ke khatam ho jane ke bad relex ho jata to agle character ki tayari ka moka na milta lehaza ise apni khobi samjhta hon goh ke main ne apne aap ko har character me dhalne ki koshish ki lekin kabhi bhi apne kaam se mutmain nahi ho saka or yahi meri khami hai jis din is pr qabo pa lya to samjhon ga k mujhe acting karna agai hai.

Question: is show ka marwari pas manzar hai kya is ke lye tumhen koi khas tayari karna pari?

Anas: G nahi! Jesa ke bata chukka hon k dehati hon or mera taluq ek chote qasbe se hai chunancha is character ki tamam khususiyat mujh me pehle se mojud thi q k aaj bhi meri jaren apne gaon me hain or mujhe dehati hone pr fakhar hai lehaza is tarha ke role play karne me koi dushwari nahi hoti sirf dialogue yad karna hote hain or unhen character ki munasibat se ada karna parta hai.

Question: co actors ke sath tumhare kese taluqat hain?

Anas: yr show 1 ½ sal pehle shuru hua tha or ab tak is ki 410 episodes onair ho chuke hain oper wale ka bara karam hai k sabhi co actors ke sath mere boht ache taluqat hain aap ko ye jan kar khushi hogi k 15 march ko report ke mutabiq hamara show TRP me 5.7 ke sath top pr tha ye sab team work ka natija hai set pr hum ek familt ki tarha rehte hain or koi kisi ki tang khinchne ki koshish nahi karta ise me apna dosra ghar samjhta hon or unite ke sab log mere lye family members ki ahmiyat rakhte hain.

Question: tum ne kisi dosre profession me jane ke bajae acting ka intekhab hi q kya?

Anas: bachpan se hi mujhe bara aadmi banne ki arzo thi lekin kabvhi socha bhi na tha k is industry me actor ke tor pr kaam karon ga ab yahi mera profession hai or mujhe isi jaga kaam kar kea age barhna hai main takhliqi kaam pasand karta hon or is industry me boht thore arse me jo taraki ki hai wo qabile tariff hai.

Question: is waqt tumhara show Diya or bati hum top pr hai or 1 ½ sal guzar jane ke bad bhi TRP ke lehaz se sare fehrist hai kyat um samjhte ho k ye show mazid kai sal tak chalta rahe ga?

Anas: is bare me kuch kehna boht mushkil hai yakinan is waqt ye television ka number one show hai or is ki waja aap sab jante hain, lekin ek na ek din har show ko khatam hona hota hai jab kahani apne anjab ko pohnche gi to ye bhi khatam ho jae ga lekin main ye nahi bata sakta k is me kitna arsa lage ga ho sakta hai k 6 mahine bad hi ye show band ho jae or ye bhi mumkin hai k mazid 2 3 sal chalta rahe.

Question: kya ye sach hai k tumhen Nach balye me shirkat ki offer di gai thi?

Anas: G han ! unhon ne mujhe approach kya tha lekin main ne inkar kar dya pehli bat to ye k mere pas bilkul bhi waqt nahi tha jab aap koi daily soap kar rahe hon to kisi dosre show me hissa lena mumkin nahi is ke elawa main samjhta hon k Nach balye me jore shirkat karte hain unhon ne rati pande ke sath mera couple banaya tha jabke wo mehaz meri dost hai phir kis tarha main is show me hissa le sakta tha.

Question: tumhara kehna hai k rati pande ke sath koi taluq nahi jabke akhbarat me is bare me boht kuch likha ja chukka hai or is se pehle tum ne kabhi is taluq ki tardid nahi ki asal haqiqat kya hai?

Anas: agar main akhbarat me shah hone wali be bunyad khabron ki tardid karne beth jaon to apne kaam pr tawaja nahi de sakon ga is lye main ne yahi munasib samjha k jis ka jo gee chahe likhe jab is khabar me koi sachai hi nahi to chand dino bad ye khud hi apni ahmiyat kho dega darasal ye galat fehmi Nach balye ki offer ki waja se hui or log yahi samjhe k main or rati ek couple ke tor pr is show me hissa len ge hum ek dosre ko us waqt se jante hain jab wo industry me nahi aai thi ache dost zaror hain lekin hamare bich koi or taluq nahi jab kabhi mulaqat hoti hai to kaam ke bare me hi bat karte hain pehle is tarha ki khabron se main or ghar wale parishan ho jaya karte the lekin ab in baton ka aadi ho gya hon.

Question: in dino sathi adakara dipika singh ke sath bhi tumhara romance ki afwah garam hai is bare me kya kaho ge?

Anas: is se zyada kuch nahi keh sakta k filhal singal hon or mera kisi larki ke sath koi affair nahi chal raha shadi ke bare me sochna bhi nahi chahta main ne apne kaam se shadi kar rakhi hai ghar walon se bhi keh dya hai k 35 sal ki umar ko pohnchne se pehle shadi nahi karon ga or us ki bari wazah waja ye hai k shadi ke bad biwi bachon ko pura waqt dena chahta hon jis ke lye zarori hai k aap jadojehad ke dor se nikal chuke hon mali tor pr mustehkam or khushal hon take rozgar ke chakar me din rat ek na karna pare.

Question: shadi ke lye tumhare zehan me kesi larki ka tasawer hai?

Anas: main kisi bhi aam larki se shadi kar sakta hon albata ye teh hai k wo koi mashor shakhsiyat nahi hogi.

Question: kya tumhen bhi dosre tv actors ki tarha filmon me kaam karne ki khwahish hai?

Anas: G han! television ki gali se guzar kar hi hum bollywood ke darwaze pr dastak de sakte hain balke meri nazren to us se bhi aage dekh rahi hai pehli sirhi television hai, dosri bollywood or us ke bad Hollywood me osker award jetne chahta hon khwah wo kisi bhi cetagory me ho q k mustakbil me adakari ke elawa script writing or direction me bhi koshish karon ga mujhe har qimat pr apna mustakbil mehfoz banana hai janta hon k ek actor ki shelf life boht mukhtasar hoti hai is lye acting ke sath sath kisi dosre shobe me bhi qismat azmai karni chahye.

Question: adakar banne ke bad tumhari zindagi me kye tabdili aai, jab tum apne shahar jate ho to wahan ke logon ka rawaiya tumhare sath kesa hota hai?

Anas: un ka khalos or jazba apni jaga lekin kabhi kabhi yun lagta hai jese is dunya me sab log charhte suraj ke pujari hai wo din kese bhol sakta hon jab wahan ke logon ne mere tv pr ane pr shaded tanqid ki thi or ek tarha se hamara social bycot kar dya tha lekin ab wahi log mere istakbal ke lye joq dar joq chale ate hain beher hal mujhe kisi se koi shikayat nahi or main un ke khalos ki qadar karta hon.