Home T.V Actors And Actresses  
Worldknowledge1
 
 
 
 
 

Ankita Sharma

(Gossip)

Ankita Sharma was born on 7 February 1987 in Delhi. She is one of the famous Indian Television star who is playing a lead role in a drama serial which name is “Baat Hamari Pakki HAi, Ankita Sharma is not just a good actor, she is also a beautiful dancer. Her you can read much more thing about the Ankita Sharma.In 2010 ankita went to mumbai for the shooting of the movie sagar picture but due to different reason this movie did not release till now. she started her acting career in tele vision from zee tv and she perfome first time when she bacame the part of mohe bitya hi kijyo and she got the chance to play a lead role in a serial which name was BAT HUMARI PAKKI HAI, in this serial ankita played lead role with barun sobti.ankita sharma also became a part of a reality show which name was boogie woogie,  it is a dancing reality show where all the contestent showed his her dancing ability, its was one of the best platform for those people who wanted to show his her dancing ability.she also became the part of a singing reality show which name was Indian Idiol session 5. it is one of the most popular plateform for the new genration which provided the chance to showed the singing ability for everybody. while as ankita sharma was performed in 6 different show. behalf of her acting ability she became the most popular, now a day she played a beautiful in a darama serial which name is AMRIT MANTHAN  in this show she is playing a role of   NIMRIT MALIK..

 

Profile

Ankita Sharma 7 february 1987 ko dehli me paida hui or 2010 ke shuru me Sagar pictures ki movie ki Alaodhal ki shooting ke lye Mumbai chali aai ye film mukhtalif wajuhat ki bina pr abhi tak release nahi ho saki television pr us ne apna career zee tv ke show Agle janam mohe bitya hi kijyo se shuru kya is ke bad Bat hamari paki hai me barun sobti ke sath lead role play karne ka moqa mila us ne television ke dance reality show boogi woogi me bhi hisa lya majmoi tor pr wo ab tak 6 television show me shirkat kar chuki hai or in dino life ok channel ke show Amrit manthan me nimrit malik ka role play kar rahi hai jise boht pasand kya jar aha hai.

Question: Ankit manthan me kam karna kesa lag raha hai?
Ankita: Is show ka hissa bane par khushi hai  is ke zarye  mujhe bek waqt kai characters karne ka moqa mila ab tak ka safar bohat khush gawar raha hai or umid karti hon k mustaqbil me bhi hum isi andaz me kam karte rahenge.

Question: nimrit ka role kese mila ?
Ankita: Ye mehez ek itefaq hi hai me rajan shahi ke production house me ek tele film ke lye audition dene gai thi lekin unhon ne mujhe amrit manthan ke lye select kar lya or is tarha Nimrit ke safer ka agaz hua.

Question: co actor or unit ke dosre logo ke sath kam karna kesa lag raha hai?
Ankita: Mujhe is set par koi shikayat nahi hai puri team bohat support or madad karne wali hai yahi waja hai k sara din shadid mehnat karne ke bawajud thakan ka bilkul bhi ahsas nahi hota.

Question: set par sab se ziyadah dosti kis se hai?
Ankita: Mujhe bache pasand hain isi lye show pe jin bachu ki maa bani hon un hi se bohat qarib hon ye bare hi pyare bache hain or mujhe in ke sath waqt guzarna acha lagta hai yahi nahi balke apne on screen susral se bhi be had khalus hon or haqiqi zindagi me inhe apna bhi samjhti hon wo bohat hi samajhdar or khayal rakhne wale insan hain.

Question: is show se wabasta kuch aesi yaden shear karna chaho gi Jinhe bholana mumkin nahi?
Ankita: Ye show mere lye hamesha yadgar rahe ga or khas tor par is character ke mukhtalif sheds kabhi nahi bhol sako gi me ne is show ke har hise se khub enjoy kiya hai.

Question: hal hi me tum ne ek aesi larki ka role play kya hai jis ka zehen tabdil ho chukka hai kya tumhe is me koi mushkil pesh aai?
Ankita: Ye mere lye ek chellanging role tha hamesha se hi is tarha ke role play karna chahti thi or khush kismati se is tarha ka character mil gaya shuru me bohat nervous thi k aya is role se insaf kar sakon gi ya nahi lekin waqt guzarne ke sath sath meri performancr behtar hoti chali gai walid jo sab se bare naqad hain unho ne bhi is role ki tarif ki tab yakin agaya k waqai me ne acha perform kya hai.

Question: koi or aesa role jise karne ki khwahish ho?
Ankita: Aesa role karna chahti ho jis ke hawale se log hamesha yad rakhen or jab kabhi kisi khas character ki bat ho to kaha jay k ye wahi role he jo ankita Sharma pehle kar chuki hai is tarha ka mazbut character karne ki khwahish mand hon jo vidya baland ne dirty picture me kya tha wese role play karna waqai chellange hota hai.

Question: acting ki janib kese ana hua ?
Ankita: Itefaqya tor par is field me agai meri ek dost ko audition ke lye jana tha wo mujhe bhi hamrah le gai jo sahab audition le rahe the unho ne mujh se bhi is me hisa lene ke lye kaha me ne un ki bat man li or khush qismati se select ho gai industry me ane se pehle thetar kya karti thi is ke elawa ek film Alaodhal me bhi kam kya hai.

Question: agar actor na hoti to kon sa profesion ikhteyar karti ?
Ankita: Yakinan ek choreographer hoti acting shuru karne se pahle dancer banna chahti thi q k mujhe hamesha se hi dance ka shoq tha abhi practice karti rehti hon or is bare me zyada se zyad sikhna chahti hon.

Question: agar kisi dance reality show me hisa lene ki offer ho to kya use qabol kar logi ?
Ankita: G! hain aesi offer qabol kar ke bohat khushi hogi jo ab tak mujhe nahi hui Jhalak dikhla ja or dancing with the stars jese show pasand hain me ne inke sare session dekhe hain or ab bhi baqaidgi se mujuda session dekh rahi hon agar kabhi koi show miss ho jae to use u tube pr dekh leti hon.

Question: career me jitney bhi shows kye hain un me sab se zyada pasandidah kon sa hai?
Ankita: Pehla show Bat hamari paki hai bohat pasand hai or use apne dil se qarib samajhti hon me is show se bohat attech thi or kisi na kisi hawale se ab bhi hon is lye nahi k ye mera pehla show tha balke tamam co actors or unit ke log bohat ache the or un ke sath kam karna ek naqabile framosh tajurba tha.

Question: ankita Sharma ko ek jumle me bayan karo?
Ankita: Ek aese kitab ki manind hon jis ka har safa dilchaspi se bhar pur hai or use parh kar aap yaqinan enjoy Karen ge.

Question: tum ne dimpal jhangyani ke jane ke bad nimrit ka character qabol kya tha tumhe nazrin ke dilo me jaga banane ke lye kitni mehnat karni pari?
Ankita: Ibtada me bohat dar rahi thi k apne aap ko nimrit ke tor par pesh kar sako gi ya nahi bunyadi tor par audiance kisi ek actor ko us makhsos character ko dekhne ke aadi ho jate hain dimpal is character ke zarye apni pehchan bana chuki thi or audiance use passand kar rahe the ye meri khush qismati hai k logo ne mujhe nimrit ke role me qabol kar lya me samajhti hon k mehnat kabhi raiga nahi jati parstaro ki shukar guzar hon jo mujh se itni muhabat karte hain .

Question: tum kafi arse se kuldip sing ke sath dating kar rahi ho shadi ka kya programe hai?
Ankita: Filhal aesa koi irada nahi me ne is bare me kuch nahi socha hum dono satttle hone ki koshish kar rahe hain or apne apne kam me be had masruf hain lehaza abhi tak is bare me kuch fesla nahi hua.

Question: koi aesi bat jo tumhe dosro se munfarid banati hai?
Ankita: Bohat sadi si larki hon or meri shakhsiyat me koi infaradiyat nahi albta jo bat mujhe dosro se munfarid banati hai wo ye hai k industry me ane se pehle jesi thi aj bhi apne aap ko wesa hi samjhti hon log industry me ane ke bad badal jate hain lekin me aj bhi pehle jesi ankita Sharma hon jo apni dosto ke sath ghomne jaya karti thi or un se khob bate karti thi yahi waja hai k sehalyan meri sadgi ki tariff karti hai or unhe is bat ki khushi hai k apne aap ko star nahi samjhti ab bhi unhi dokano resturent or srak ke kinare khare ho kar chat khati hon jese pehle kya karti thi mera khayal hai k ye sadgi hi meri infradiyat hai.

Question: aam tor par nojawan actors bachu ki maa ka role play karne se ghabrate hain lekin tum amrit ka role play kar rahi ho kya tumhen is se ghabrahat nahi ho rahi?
Ankita: manti hon k har actress apne aap ko screen pr khub sorat pur kashish or jawan dekhna chahti hai or us ke lye kisi young actor ke sath romantic role play karna tarjih hoti hai lekin main as a actor har tarha ke role play karne k lye tyar hon q k isi tarha actor ko apni salahiyaton ke izhar ka moqa milta hai. 7 sala bachi ki maa hone ka matlab har giz nahi k waqt se pehle borhi ho gai hon or ab ainda bhi maa ka role hi play karti rahon gi.

Question: Amrit manthan me 3 adakaraen markazi kirdaron me nazar arahi hain aesi sorat me adam tahafuz ka ahsas barh jata hai or har koi ek dosre se aage barhne ki koshish karta hai jis ke natije me laraiyan janam leti hain kya tumhara bhi kisi adakara se kabhi koi jhagra hua?
Ankita: oper wale ki meharbani se abhi tak aesa koi waqya pesh nahi aya wese bhi main boht dair bad is show me shamil hui thi lehaza dosre logon se qarib hone ka moqa nahi mil saka rez rude rehne ki adi hon or apne kaam se garz rakhti hon q k yahi meri pehli tarjih hai.

Question: mard adakaron maslan wasim mushtaq or karan mehra ke sath tumhare taluqat kese hain?
Ankita: ye ek fitri si bat hai k mard adakar apni sathi adakaraon ka boht khayal rakhte hain wasim mushtaq or karan mehra ka shumar bhi aese hi logon me hota hai unhon ne hamesha meri madad ki or mujhe us se koi shikayat nahi hai balke haqiqat to ye hai k sathi adakaraon se bhi koi problem nahi q k wo apna kaam kar rahi hain or main apna role nibha rahi hon. Sab log is bat ko achi tarha samjhte hai k mil kar kaam karne me hi faida hai lehaza choti choti baton ko nazar andaz kar dya jata hai or jab sab log kaam me puri tarha involve hon to jhagre ki nobat kam hi ati hai.