Home T.V Actors And Actresses  
Worldknowledge1
 
 
 
 
 
Arjun Bijlani was born on 31st October 1982 at Mumbai, India.he is famous as an Indian Television actor. Arjun Bijlani started his career as a Model, then he got chance to show his acting ability in Indian daram, in 2012 he also appeared in Bollywood, and acted in two movie which name was “Full Phukre” and “I Guess”. In this page you will read and find Arjun Bijlani interview in Urdu and Hindi.

Arjun Bijlani Interview

 

Moderator

Dear fans aj hamare darmiyan television ka popular actor arjun bijlani mojud hain jis ne popular tv show Mile jab hum tum me mayank ka role play kar ke zabardast shohrat hasil ki goh k is show ko khatam hue kafi arsa hogaya he liken arjun bijlani ki maqboliyat me koi kami nahi aai star plus ki haliya serial Kali me us ne ek monfarid role kar ke apne ap ko ek bar phir munwaliya he ap ke lye ye acha moka he ke is se wo sab kuch malom kar len jo pehle nahi jante the kya tum tayar ho arjun ?

Arjun: yes! i am ready.

Question: tumhara haliya show Kali…….. kuch zyada kamyab na ho saka kia tumhe is me kaam karne pr pachtawa he?

Arjun: bilkul nahi main ankh band kar ke koi show sign nahi kya kartamujhe is show ka idea or apna role pasand aya tabhi main ne is me kaam karne pr razamandi zahir ki thi is show ke concept or length ko dekhte hue soch raha tha k ye show kam az kam 6 7 mahine zaror chale ga lekin badqismati se 3 mah bad hi band ho gya or is ki waja ye batai jati hai k ye show matloba TRP hasil nahi kar saka main aaj tak ise nahi samjh saka lekin hamen jo feedback mil raha tha us ke mutabiq nazren ki aksaryat is show ko pasand kar rahi thi behre hal mujhe Kali me kaam karne pr koi pachtawa nahi hai.

Question: tumhara popular show Mile jab hum tum bhi isi tarha achanak band kar dya gya tha is waqt tumhen kesa lag raha hai?

Arjun: kisi bhi tv kon 7 sal tak khincha ja sakta hai ya 30 episodes ke bad band bhi kar dya jata hai lekin jab kehne ke lye kuch na rahe or aap asal mozao se bhatakne lagen to aese show ko zabardasti khinchne ke bajae band kar dena hi behtar hai kisi show ko is lye khatam nahi hona chahye k dekhne wale is se bore hone lage the or un ki tadad kam hoti ja rahi thi main samjhta hon k Dil mil gae ko munasib waqt pr khatam kya gya.  

Question: apne back ground ke bare me kuch batao ge career ki ibtada kis tarha hui or ab tk kitna kaam kar chuke ho?

Arjun: doran talim mujhe ghar se boht kam pocket money milti thi chunancha apne akhrajat pure karne ke lye modeling shuru kar di or kai ishteharat tv commercials me bhi kaam kya mera pehla show Karthika tha jo 2004 me hangama tv se dikhaya gya is ke bad main ne star one ke show Remix me ek mukhtasar role play kya agla show sab tv se Left right lift tha jis pr mujhe kai awards ke lye namzad kya gya phir main ne colours ke show Mohe rang de me kam kya star one ka show Mile jab hum tum mere career ka turning point sabit hua is ke bad Pardes me mila koi apna, Teri meri love story or Kali me kaam karne ka moka mila is ke elawa ek reality show ki hosting bhi kar chukka hon or in dino ek panjabi film me kaam kar raha hon.

Question: tum ne film career shuru karne ke lye panjabi film ka intekhab q kya jabke parastar tumhen kisi hindi film me dekhna chah rahe the?

Arjun: hindi film ke intezar me waqt zayah karna nahi chah raha tha lehaza jab panjabi film ki offer hui to use foran hi qabol kar lya ye film sign karne ki bari waja ye thi k mujhe is ka script pasand aya or ye k is film ke producers mere dost bhi hain ye ek comedy movie hai or is ki kahani 3 bhaion ke gird ghomti hai is film me kaam karne ka maza is lye hi aya k mere elawa Muhammad nazim or ampal yadav bhi mere sath hain or hum tino apas me boht ache dost hain.

Question: kisi journalist ko interview dete hue kis sawal pr gussa ata hai?

Arjun: jab mujh se zati zindagi ke bare me koi bat ki jae kisi ko ye haq nahi pohnchta k wo hamare zati mamlat public ke samne lae hum ne to kabhi kisi journalist se ye nahi pucha k wo guzishta rat kahan tha?

Question: tum apni fitness barqarar rakhne ke lye kya jatan karte ho?

Arjun: rozana ek ghante baqaidgi se warjish karta hon khane me protein ki miqdar zyada hoti hai kam caloris wali giza leta hon or din bhar harkat me rehta hon sab logon ke lye mera yahi mashwara hai k wo baqaidgi se wajish kya karen is tarha aap fresh, sehat mand or fit rahe ge.

Question: tumhare khyal me adventure ki kya tariff hai?

Arjun: aesa kaam jis me excitement or thirl ho jese paharon pr charhna or darya me kashti chalana.

Question: tumhara pasandida adventure kon sa hai?

Arjun: mujhe koh pemai or kashti rani pasand hai. 

Question: boht se adakar tv pr kaam karne ke elawa dosre karobar bhi karte hai kya tum bhi un logon me shamil ho?

Arjun: mujhe is me koi burai nazar nahi ati sachin tandulkar boht bara cricketer hai lekin us ne bhi apna resturent khol rakha hai isi tarha tv industry me kai logon ne acting ke sath sath dosre karobar shuru kar rakhe hain meri bhi andheri me wain shop hai lekin adakari mera janun hai or is tarf zyada rujhan hai main actor ke tor pr aage barhna chahta hon.

Question: ye q nahi kehte k kaam na hone ki sorat me isi side business me tumhara guzara hota hai?

Arjun: ab tak mere career me aesa koi lamha nahi aya jab mujhe ye khof mehsos hua ho k kaam na milne ki sorat me kya karon ga oper wale ki meharbani se musalsal kaam kar raha hon agar main ya dosre actors side business kar rahe hain to ye achi bat hai sirf ye kehna chah raha hon k business zaror karen lekin acting se commitment boht zarori hai.

Question: agar adakar na hote to kon sa paisha ikhteyar karte?

Arjun: koi acha or mayari resturent khol leta q k aaj kal is karobar me boht faida hai ab logon me ghar se bahar khane ka rujhan barhta ja raha hai khud ko bhi khane ka boht shok hai or mujhe khushi hoti jab log mere resturent me beth kar khush zaiqa khano se lutf andoz hote.

Question: tumhen kis tarha ke khane pasand hain?

Arjun: mujhe indian khane pasand hain or khas kar batar chicken to boht hi acha lagta hai agar main ne kabhi koi resturent khola to is me gahakon ko laziz indian khane riwaity andaz me paish karne ka ahtamam bhi kya jae ga ta ke unhen ghar jesa mahol mil sake dekhen mera ye khwab tab pura hota hai.

Question: kya tumhen khud bhi khana pakane ka shok hai kon kon se khane bana lete ho?

Arjun: G nahi! Q k maa ke sath aksar kichen me hath bataya karta tha, dal chawal bana sakta hon jabke masale dar matar chawal meri khas dish hai lekin agar kabhi akele rehna para to apne lye khud hi khana bana lon ga.

Question: Shadi kab karo ge?

Arjun: maa ka israr hai k ab mujhe shadi kar leni chahye ankarib neha sawami se meri shadi hone wali hai jise guzishta 8 bars se janta hon or mere ghar wale bhi us se achi tarha waqif hain.

Question: neha ki kis khobi ne tumhen mutasir kya?

Arjun: us ki sadgi wo gharelo type larki hai or mere sath partion ya takribat me jane se bhi nahi ghabrati.

Question: tum larkion me boht zyada popular ho kya ye andesha nahi k shadi ke bad tumhari fan following me kami ajae gi?

Arjun: agar ye sochne lagen to shayad kisi bhi actor ki shadi na ho pae aese kai shadi shuda adakaraon ki missal de sakta hon jo ek arse se film or television pr raj kar rahe hain jese ram kapore, ronit ray, simarti irani, haten tejwani, husain kojar wala, shabir ahalu walia, rajeo khandawal or shweta tiwari wagera wese bhi main samjhta hon k parastar hum se nahi balke hamare character se mohabat karte hain is lye jab tak aap jandar character karte rahen ge us waqt tak aap ki maqboliyat pr koi asar nahi par sakta.

Question: ab tum ne bollywood ka rukh kya hai kya mustaqil tor pr film acting ko apnane ka irada hai?

Arjun: aaj kal film or television dono ghad madh ho gae hain or koi actor bhi apne aap ko kisi ek field se wabasta nahi kar sakta abhi main ne bollywood me qadam rakha hai dekhen aage chal kar kya position banti hai agar achi filmen or ache role milte rahen to yakinan bollywood ki filmon me kaam karne ko tarjih don ga.

Question: koi aesi khwahish batao jo abhi tak puri na hui ho?

Arjun: subha se sham tak hum khwahishon ke jal bunte rehte hain ek khwahish puri nahi hoti to us ki jaga 10 mazid khwahishen parwan charhne lagti hain is lye ye kehna boht mushkil hai k kon si khwahish ab tak puri nahi hui zati tor pr qanat pasand hon or jan boj kar koi khwahish nahi palta wese bhi agar dil me koi bat ajae to us ki zimedari mujh pr nahi.

Question: tum ne ek reality show me ancoring bhi ki hai ye tajurba kesa raha?

Arjun: mujhe hamesha se hi adventures pasand hain or ye ek traveling show tha jise kar ke boht maza aya chahta hon k ainda bhi is tarha ke shows karta rahon.