Home T.V Actors And Actresses  
Worldknowledge1
 
 
 
 
 
Ekta Tewari started her career from the darama serial of tere mere sapna. She showed her ability and proof that she showed her talent. She is also a dancer. Ekta tewari take interest in dancing reading the books, ekta tiwari also want to show her ability in Bollywood and she is waiting to a best offere from the bollywood. In this page you will read and find Gossip with interview of Ekta Tiwari in Urdu and Hindi.

(Interview Of Ekta Tiwari)

 
Ekta Tiwari

Star plus ke show Tere mere sapne me radha ka role play karne wali ekta tiwari ne apne pehle hi show ke zarye ye sabit kar dya k adakari me sirf achi shakalo sorat hi zarori nahi hoti bal k us ke lye telent ka hona bhi bunyadi shart hai gon k ekta tiwari ko badsorat to nahi kaha ja sakta lekin wo haseeno jamil actress bhi nahi hai tahum us ne apni shok ki khatir is complexion ko zehan pr sawar nahi kya or yahi waja hai k radha ke character me us ki adakari ko behad pasand kya ja raha hai is kamyabi ke bad ekta ke hosle buland ho gae hain or wo mustakbil me mazid ache roles karne ki khwahish mand hai.

Question: apne background ke bare me kuch batana chaho gi?

Ekta:  main indoor ki rehne wali hon or ibtdai talim hasil karne ke bad dehli shift ho gai thi shiri ram center for performing art se acting me 2 sal ka diploma lene ke bad Mumbai chali aai yahan kuch filmon me director ke sath bator mawon kaam kya is ke elawa Nach balye 4 ke lye wiskraft ke sath project head ke tor pr bhi khidmat anjam dye mere acting career ka agaz matan chandar kant desai ke drame Rani padmani, se hua is ke bad Ganesh lila me bhagwan ganesh ki biwi ka role play kya phir Tere mere sapne me lead role ki offer aai to wo show chore dya.

Question: tum ne acting ko hi apna profession q banaya kya is ki koi khas waja thi?

Ekta: art hamesha se hi meri zindagi ka hisa raha hai main ek tarbiyat yafta classical dancer hon or main ne kathak dance me diploma kya hai collage ke zamane me bhi dramon me hisa lya karti thi mujhe shuro se hi actor bane ki khwahish thi or us ke lye pehle main ne bunyadi tarbiyat hasil ki mazid sikhne ke lye national school of drama me dakhla lena chah rahi thi lekin us se pehle hi Mumbai ana para.  

QUESTION: is industry me ab tak tumhara safar kesa raha?

Ekta: ab tak ka safar boht acha raha q k mujhe production ke bare me pehle se hi knowledge thi is lye kirdaron ko samjhne or camere ka samna karne me asani rahi main production house ko dar paish ane wale masail ko janti hon is lye mujhe un ke sath kaam karne me koi mushkil nahi hui.

Question: is show me tum double role play kar rahi ho is me to koi mushkil paish nahi aai?

Ekta: G nahi ! bal k main ne is show me double role play kar ke enjoy kya or is bat ki khushi hai k mujhe aesa kirdar karne ka moka mila jis ke mukhtalif shades the ye sach hai k double role karna hamesha chellanging hota hai lekin me haqiqi zindagi me bhi radha jesi hi hon jo boht sweet or simple hai.

Question: tum ne ab tak acting ke bare me kya kuch sikha hai?

Ekta: goh k boht kuch sikh chuki hon lekin samjhti hon k sikhne ka amal hamesha jari rahta hai isi lye apne co stars or director se seen or lines discuse karti rehti hon jis se mujhe apne aap ko improve karne me madad milti hai.

Question: yash pandit or sorabh pande me se kis ke sath tumhari behter on screen chemistry hai?

Ekta: is ka jawab dena boht mushkil hai q k dono hi boht ache insan hain lekin samjhti hon k audience meri or sorabh ki chemistry ko zyada pasand karte hain.

Question: kya tum samjhti ho k is role ke hawale se tum jis tariff ki mustehaq thi wo tumhe mil gai?

Ekta: is me koi shak nahi k meri acting ko boht pasand kya gya hai lekin khwahish hai k is se bhi zyada tariff ki jae q k us waqt boht acha lagta hai jab log aap ke lye tarifi kalmat ada kar rahe hon.

Question: channel walon ne tumhare show ko dopher ke waqt shift kar dya hai tumhare khayal me kya ye zyadti nahi?

Ekta: G han ! ye bil kul zyadti hai q k is show ki TRP me musalsal izafa ho raha tha k achanak hi is ko dopher ki slit me shift kar dya gya unhen chahye tha k hamen mazid waqt dete q k agar ise prime time me dekhaya jata to ye is show ke lye boht behter hota.

Question: tum kis actor ke sath set pr sab se zyada karib ho kya tum ne is industry me kuch dost bhi banay hain?
 
Ekta: mere set pr sab se hi ache talukat hai khwah wo koi actor ho ya co member, co actor ke elawa production house ke bhi kai logon ko apna dost banaya hai q k main ne un ka kaam dekha hai or un ke masail ko bhi samjhti hon baaz okat boht taklif hoti hai jab actors kuch soche samjhe bagair hi kisi waja ke bagair un pr chikhna shuro kar dete hain unhen ahsas hona chahye k creu ke log bhi apna kaam kar rahe hain.

Question: tum chuhtiyan kese guzarti ho?

Ekta: mushkil se hi chuhtiyan karti ho or agar kabhi chuti milti bhi hai to itni takher se k kuch plan nahi kar sakti main mukamal tor pr ek gharelo larki hno or ghar ke kamon me dilchaspi leti hon.

Question: tumhare mashagl kya hain?

Ekta: mujhe dancing,, kitaben parhna or safar karna acha lagta hai jin dino theter group ke sath kaam kar rahi thi to mujhe pure bharat ka safar karne ka moka mila.

Question: mustakbil ka kya program hai?

Ekta: Main ne kabhi kal ke bare me nahi socha lekin meri khwahish hai k Bheja fry or Page 3 jesi of bet filmon me kaam karon is ke elawa mujhe aesi movies or shows me kaam karna pasand hai jin me haqiqat ka rang jhalagta ho.

Question: tum kis tarha ke shows karna chah rahi ho?

Ekta: main kisi bhi show ko sign karne se pehle us ka script or apna character zaror dekhti hon samjhti hon k sirf wahi character karna chahye jahan audience un se baasani connect ho jaen.

Question: kya tum reality show me hisa lene ke lye tayar ho aesi sorat me kis tarha ke show ko tarji do gi?

Ekta: q k ek tarbiyat yafta dancer hon or music sunte hi thirakna shuro kar deti hon is lye fitri tor pr chahon gi k kisi dance reality show me hisa lon.

Question: apne dream man ko kis tarha bayan karo gi?

Ekta: wo ek samjh dar, parwa karne wala or zahin shakhs ho or masle ka hal talash karna janta ho.

Question: ek actress ke lye khob sorat nazar ana kitna zarori hai?

Ekta: main nahi samjhti k actress ko khob sorat hona chahye bal k us ki shakal sorat se zyada talent ki ahmiyat hai koi bhi actress khwah wo kitni hi khob sorat q na ho talent ke bagair logon ko mutasir nahi kar sakti.

Question: television pr kis tarha ke program dekhna pasand karti ho?

Ekta:  main aam tor pr filmen, music or news channels dekhti ho filmon se aap ko boht kuch sikhne ka moka milta hai jab k music zehni sakon or tafrih ke lye hai isi tarha halate hazira se bakhabar rehne ke lye news channels ka sahara leti hon is hawale se t v mere lye tafrih or malomat ka aham zarya hai mere khayal me zee cinema se boht achi bollywood ki filmen dikhai jati hai isi tarha star world or HBO hamesha Hollywood ki behtrin filmen dikhate hain main ne 3 idiot or Tare zamen pr kai martaba dekhi hai is ke elawa Friends nami show bhi baqaidgi se dekhti hon mujhe dancer hone ki waja se dance reality show boht pasand hai jin dino Nach balye kar rahi thi to use baqaidgi se dekha karti thi.

Question: tumhari zindagi ka wo kon sa dor tha jab boht zyada jadojehd karna pari?

Ekta: jab mere walid ka intakal hua to wo mere lye boht sakht waqt tha apne aap ko majbor or lawaris samjh rahi thi or yun lagta tha k meri zindagi me ab kuch baki nahi raha us waqt ki kefiyat ko alfaz me bayan nahi kar sakti.