Home T.V Actors And Actresses  
Worldknowledge1
 
 
 
 
 
Karan Tacker was born on 11th may 1986 in Mumbai, India, Karan Tacker is a famous Indian television actor and host. He appeared in Love Ne Bana Di Jodi. He started his career as a host of Star Sansar on Star Plus, and he got chance to prove his self as a actor. Before acting  Karan Tacker got degree of business Management. In this page you will read and find Gossip with interview of Karan Tacker in Urdu and Hindi.

(Interview Of Karan Tacker)

 
Karan Tacker

Profile

Karan tacker 11 may 1986 ko mumbai me paida hua us ka taluq ek panjabi family se hai karan tacker ne business manegment me degree lene ke bad television ka rukh kya goh k us ne kabhi acting ke bare me nahi socha tha lekin doston ke kehne pr audition dene chala gya us ne television pr bator host apna career shuru kya or star plus ke show Star sansar ke zarye use pehli bar screen pr ane ka moka mila is ke bad use Love ne mila di jori me permit chauhan ke bilmuqabil cast kya gya pehle hi show me us ki adakari behad pasand ki gai or is character pr wo award hasil karne me kamyab ho gya us ka dosra show Rang badalti orhni tha jis me us ke sath yasha shiri masorkar ne lead role play kya. karan tacker ne bollywood ki film Rab ne bana di jori me bhi ek mukhtasar sa role play kya tha 2011 se wo star plus ke show Ek hazaro me meri behna hai me kristal desoza ke bilmuqabil veran singh wadhera ka role play kar raha hai or is pr ab tak use mukhtalif adaron se 6 awards mil chuke hain.

Question: Ek hazaron me meri behna hai me tumhara character veran ab ek angry young man me tabdil ho chukka hai kya tumhen us ka ye rop pasand aya?

Karan: G han! ye bilkul is character ka naya shed hai or mujhe is lye bhi pasand araha hai k is me acting ke zyada mawaka mil rahe hain.

Question: is show ki ab tak 376 episodes ho chuki hain kya tumhen itne tawil arse take k hi character karte hue uktahat mehsos nahi ho rahi?

Karan: is show ko abhi sirf 2 ½ sal hue hain jabke mazi main aap logon ne 8 8 sal tak shows ko bardasht kya hai ye ek fitri si bat hai k zyada arse tak ek hi character kar ke uktahat hone lagti hai lekin ye itna intresting show hai k mujhe is ko karne me maza arha hai.

Question: is show ke khatam ho jane ke bad tum kis type ka role play karna chaho ge?

Karan: pehle to ek lamba break lon ga q k gujishta 4 sal se lagatar shooting kar ke thak chukka hon tahum meri koshish hogi k agle show me koi mukhtalif role play karon.

Question: ab tak television pr jo waqt guzara us ke bare me kye kaho ge?

Karan: sach to ye hai k main ne tv pr guzare hue ek ek lamhe ko puri tarha enjoy kya hai is industry ne mujhe khuli bahon ke sath qabol kya ye mera tisra show hai or audience ki janib se musalsal hosla afzai ho rahi hai is bat ki bhi khushi hai k mere tino shows star channel se hi dikhae gae hain main ne mukhtalif noiyat ke character kye hain or un se puri tarha mutmain hon ab television pr boht acha kaam ho raha hai or hum sas baho shows ke chakar se nikal aae hain is ke elawa mujhe IFA red carpet pr bhi hosting ka moka mila or is tarha main film industry ke logon se mutarif ho saka.

Question: Ek hazaron me meri behna hai ki kahani bhai behan ke rishte ke gird ghomti hai tum ne kya soch kar ye role qabol kya?

Karan: is se pehle main romantic or shokh qisim ke characters kar chukka tha lehaza jab ek macture character ki offer hui to mujhe is me veraity nazar aai mera character veran ghar ka sab se bara beta hai or ek waqil hai wo apni khandani iqdar ka ahtram karta hai or apne paishe se mukhlis hai zati zindagi me wo sharmila waqah hua hai khas tor pr Orton ki mojudgi me us ki zuban bilkul band ho jati hai wo ek mutawazan zehan ka malik hai mujhe is character ke ansani pehlo ne boht zyada mutasir kya is ke elawa production house or channel bhi mere lye kashish rakhte hai oper wale ka shukar hai k ye faisla sahi sabit hua or audience ne is character me bhi mujhe pasand kya.

Question: ab tak tum ne jitne bhi role play kye hain un me sab se zyada kis ke sath identify karte ho?

Karan: wese to sare character hi meri shakhsiyat se karib the lekin veran se boht zyada identify karta hon q k us ki tarha main bhi apni family se boht zyada close hon ye ek haqiqi character hai or main bhi is ki tarha yahi samjhta hon k zindagi apne waldain se mohabat karne ka nam hai.

Question: co actor krystle dsouza ke sath tumhari dating ki afwahen sunne me ati hain in me kis had tak sachai hai?

Karan: main is ki sakhti se tardid karta hon is me koi shak nahi k wo boht hi khobsorat larki hai lekin hamare darmiyan do larko jesi chemistry hai hum mehaz ache dost or ache co star hain meri samjh me nahi ata k collage or school ke zamane me jab larke or larkion me dosti ho sakti hai to tv drame ke actors apas me dost q nahi ho sakte mere sath ab tak yahi hota raha hai k har drame ki heroin ko mujh se link up kar dya gya ek bar phir élan kar raha hon k singal hon or kisi se dating nahi kar raha.

Question: agar moka mila to kis type ki larki ke sath dating karna chaho ge?

Karan: filhal to apne kaam se shadi kar rakha hon albata aesi larki pasand hai jo mazbot shakhsiyat ki malik ho or us me mazak bardasht karne ki salahiyat ho main mohabat karne ke lye tayar hon lekin is ke lye koi planning nahi ki jati pyar kya nahi jata balke ho jata.

Question: fursat ke oqat me kya karte ho?

Karan: Filmen dekhta or exercise karta hon mujhe ghar pr mammi dady or behan ke sath waqt guzarna acha lagta hai partion me jana pasand hai lekin sirf karibi doston ke sath kahin bahar jata hon.

Question: tumhen abhi tak kisi reality show me nahi dekha gya kis qisim ke reality show me hissa lena pasand karo ge agar Big boss ki offer hui to tumhara kya rade amal hoga?

Karan: ye mera shaori faisla hai k filhal kisi reality show me hissa nahi lon ga mujhe Jhalak dikhlaja ki offer hui thi lekin dance se dilchaspi na hone ke sabab use qabol nahi kya sirf wahi kaam karna chahta hon jis me apni salahiyaton ka bhar pur muzahira kar sakon agar Big boss ki offer hui or us me sunny leone's jese logon ka sath nasib hua to us pr zaror gor karon ga.

Question: kya tum filmon me kaam karna chahte ho?

Karan: G han! agar Rock star ya Zindagi na mile gi dobara jesi film ki offer hui to use apni khush qismati smjhon ga imteyaz ali or anurag keshap ke boht bara fan ho nisi tarha amitab bachan, sharukh khan or ranbir kapore se mutasir ho nab film or television me koi fark nahi raha film actor television pr or tv actor filmon me kaam kar rahe hain ye sara masla waqt, qismat or moke ka hai meri khwahish hai k mujhe bhi jald hi koi achi offer ho.

Question: kya ye sach hai k tumhen ek naye reality dance show me ancoring ki offer hui thi?

Karan: mujhe bhi is ki itelah akhbarat se hui wese to hum logon ko mukhtalif shows ki offers hoti rehti hain or hum in ke lye audition bhi dete rehte hain lekin jab tak koi bat fainal na ho jae us ke bare me kuch kehna thek nahi.

Question: ye bhi sunne me aya tha k tum apna zati production house shuru karne wale ho, kya ye sach hai?

Karan: G han! mera taluq ek business family se hai or khud bhi BBA kar chukka hon main sanjidgi ke sath apne walid ke sath mil kar ek production house shuru karne ke bare me soch raha hon aese tv shows tayar karna chahta hon jo mukhtalif hon or aam logon se relate kar sake umid hai k jald hi is koshish me kamyab ho jaon ga.

Question: is ke elawa tumhari or kya khwahishat hain?

Karan: ane wale waqton me director banna chahta hon q k sathi adkaraon ka khyal hai k mujh me seen ke bare me sochne ki salahiyat hai main nahi janta wo ye bat sanjidgi se kehte hain ya mazak me albata khud is mamle me sanjida hon is ke elawa film ke bare me phle hi apni khwahish zahir kar chukka hon.

Question: tum apne aap ko seen ke lye kis tarha tayar karte ho?

Karan: meri tayari ka pehla marhala makeup or costume se shuru hota hai q k apne aap ko character me dhalne ke lye ye do chezen boht aham hain phir me apni linen parta hon or is ke sath hi co actors ke makalmon pr bhi nazar dalta hon makalne yad karne ke bad set pr kuch dair khamosh betha rehta hon or apne aap ko seen ke mood ke mutabiq tayar karta hon.

Question: tumhari awaz boht achi hai kabhi singer banne ke bare me socha?

Karan: jab se acting me aya hon kisi or janib dheyan dene ki fursat hi nahi mili main ek acha actor or bara star banna chahta hon or jab is muqam pr pohnch gya to gane ke bare me sochon ga.

Question: ab tak parastaron ki janib se sab se acha tohfa kya mila?

Karan: parastar aae din mukhtalif tohfa bhejte rehte hain mujhe in ki janib se tarifi kalmat, meri apni tasweren or boht kuch milta rehta hai mere dil me in sab baton ki boht qadar hai or un ki bheji hui har chez khas ahmiyat rakhti hai