Home T.V Actors And Actresses  
Worldknowledge1
 
 
 
 
 
Manasi Parekh was born on 10 July 1986 in Ahmedabad, India, Mansi is an Indian actress and model. Mansi parekh started her carrier from a T.v serial which name was Kitni Mast Hai Zindagi but unfortunately she did not proved her self, then she tried to show her ability in India Calling and in this serial she got success. Mansi Parekh also act on Tamil film which name was Leelai which was released on 27/04/2012. In this page you will read and find Gossip with interview of Manasi Parekh in Urdu and Hindi.

(Interview Of Manasi Parekh)

 
Manasi Parekh

Ekta kapor ke show Kitni mast hai ye zindagi, me shirkat karne wali mansi parekh in dinon tv k eek popular serial Gulal me main lead role play kar rahi hai us ki performance ka andaza is bat se lagaya ja sakta hai k co star rahil azam ne mansi parekh ki shandar adakari se mutasir ho kar ye tak keh dya k agar wo jeory member hota to mansi ko best actress ka award deta kisi bhi actress ke lye us ke co actor ki tarf se dya jane wala ye compliment aham rakhta hai yahi nahi bal k mansi ne roze awal se hi apni slahiyaton ka loha manwa lya tha or jin dino wo India calling me kaam kar rahi thi to logon ne use chote parde ki siri devi kehna shuro kar dya tha mansi is compliment to bhi apne lye aejaz samjhti hai or us ka kehna hai k acting profession ne use jo izat or shorat di hai us ke bare me us ne kabhi soch bhi na tha lehaza us ki koshish yahi hai k zyada se zyada mehnat kar ke apne aap ko is aejaz ke kabil banae.

Question: kya waja thi k tum ne Gulal me kaam karna qabol kya?

Mansi: mujhe mukhtalif shows me kaam karne ki offers ho rahi thi in me se koi bhi aesi na thi jo mere lye dilchaspi ka baiz hoti q k is jese roles pehle bhi kar chuki thi main ne soch rakha tha k aese show ka intazar karna chahye jise dil se kar sakon jab Gulal ki offer hui to mehsos kya k ye ek bil kul mukhtalif role hai jo is se pehle main ne nahi kya is show ke stars or director boht ache hain or character ka scope bhi zyada hai is lye inkar ka sawal hi paida nahi hota.

Question: tum kafi arsa television se dor rahi is doran tumhari kya masrofityat rahi?

Mansi: main ne apne aap ko mustakbil ke lye tayar kya America gai or waha li stars sbarg theter or film institute me 4 mahine ka course kya is ke bad main ne lelet dobe ke sath Bright candle nami ek angrezi drame me kaam kya Mumbai wapas ane ke bad karan singh ghrovar ke sath ek show ki ankering ki hal hi me ek film Ye kesi life ki shooting mukamal karwai hai is me yadhishter ne mere sath kaam kya hai.

Question: kya tum is film ke bare me kuch batana chaho gi?

Mansi: ye movie ek doctor or mariz ke taluk pr mabni hai main ne is film me doctor or yadhishter ne mariz ka role play kya hai jo ek hadse me zakhmi ho kar elaj ki garz se hospital me dakhil hota hai wo darasal karae ka katil hota hai is waqia ke bad doctor use ek achi zindagi guzarne pr amada karti hai or use ahsas dilate hai k pachtane ke lye ye zindagi kam hai.

Question: Gulaal me tum title role play kar rahi ho kesa lag raha hai?

Mansi: ye mere lye ek sansani khez tajurba hai q k mujhe har jaga apne posters lage hue nazar aarahe hain lekin is ke sath sath ye bhi ahsas hai k mujh pr ek boht bari zimedari aan pari hai markazi kirdar hone ki waja se mujhe is bat ko yakini banana hai k show ke har pehlo pr nazar rakhon. Uper wale ka karam hai k ab tak boht acha respons mila hai har roz milne wale pegamat or e-mails me mere kaam ki tariff ki ja rahi hai  

Question: is show ki wo kon si infradiyat hai jis ki waja se is me film jesi khususiyat nazar ati hai?

Mansi: pehli bar kisi show ko 16:9 ke formate pr shoot kya ja raha hai or is ke lye intehai jaded or hassas camere ka istemal kya gya hai ta k pure set up ka visual impact ubhar kar samne aa sake is silsile me camera man sanje k meman ne intehai shandar kaam kya hai.

Question: Gulaal me kaam karne wale sabhi co stars boht hi professional or talented hain in ke sath kaam karne ka tajurba kesa raha?

Mansi: main to ise amazing hi kahon gi q k is show se mutalik choti se choti bat bhi mere lye sikhne ka ek moka hai or in logon ke sath kaam kar ke meri knowledge or skill me izafa ho raha hai.

Question: is show ke hawale se ab tak sab se yadgar tajurba kya raha?

Mansi: wese to is show ka har seen hi dramatic hai lekin sab se yadgar seen wo tha jis me lakha ko thappar marti hon is manzar me mujhe mutazad jazbat ka samna karna para jo ek ek kar ke umand rahe the q k wo larka or larki apas me muhabat karte hain lekin in dono me narazgi ho jati hai or usi alam me wo jazbat se maglob ho kar apne mehbob ko thappar mar deti hai goh k is ki neyat nahi thi lekin us se ye harkat sarzad ho gai ye manzar har lehaz se mere lye yadgar tha.

Question: tum ne sab t.v ke show 4 se apne t.v career ka agaz kya or mukhtalif shows karte karte Gulal tak pohnch gai ab tak ka safar kesa raha?

Mansi: upar wale ka jitna bhi shukar ada karon wo kam hai k mujhe mukhtalif shows me mukhtalif noiyat ke role play karne ka moka mila goh k main ne boht zyada kaam nahi kya lekin logon ko abhi tak mere roles yad hain kabhi bhi sas bhao type roles nahi karna chahti thi or mujhe khushi hai k Gulal me bhi mera kirdar mukhtalif or munfarid noiyat ka hai.

Question: tum ne ab tak jitne bhi role play kye hain un me kon sa role tumhare sab se karib tha?

Mansi: main samjhti hon k ab tak jitney bhi role play kye hain wo sab mujh se boht karib the q k bahesiyat actor main ne hamesha yahi koshish ki hai k apne aap ko kirdar ke sanche me dhal sakon ta hum India calling orGulal ke kirdar mere dil se boht karib hain.

Question: tum ishteharat me bhi kaam karti ho acting or modeling me se kise zyada enjoy karti ho?

Mansi: ishtaharat me zehni or jismani thakan zyada hoti hai or ek ya do din hi kaam kar ke acha moawza mil jata hai or inhin ishtaharat ki waja se mujhe perdip sarkar jese film director ke sath kaam karne ka moka mila wese to mere lye acting or modeling dono hi aham hain lekin ishteharat me kaam karna is lye pasand hai k wahan kam waqt me zyada paise kamae ja sakte hain.

Question: tumhari zindagi me prithvi gohal ka kya role hai?

Mansi: wo boht zyada supportive hai or use main apni taqat samjhti hon is ke bagair kuch karne ke qabil nahi ho sakti thi.

Question: Gulal ke role ke lye tum ne kya tayari ki hai?

Mansi: main is show me ghaon ki larki ka role play kar rahi hon is lye mujhe apni body language pr khas tor se kaam karna para yani ghaon ki larki kis tarha bolti or chalti hai main ne is silsile me kai kitaben parhi or documentries dekhien main samjhti hon k kisi bhi character ko kamyabi se karne ke lye mushahida boht zarori hai main ne is silsile me kai din ghaon me guzaren or wahan ki larkion ke rehan sehan ka bagor mushahida kya is tarha mujhe apne character ko develop karne me boht madad mili.

Question: rahil azam ne ek interview me kaha tha k agar wo jeory member hota to tumhen best actress ka award zaror deta ye batao k us ke sath kaam karne ka tajurba kesa raha?

Mansi: wo boht hi brilliant actor hai or main ne aese actor boht kam dekhe hain jo apne professional se 100 % cometed hon mujhe khushi hai k us jese actor ne mujhe aesa coment dya.

Question: acting ki field me kis tarha ana hua?

Mansi: main ne Mumbai times me balaji ka ek istehar dekha or audition dene chali gai mujhe 6000 lakiyon me se select kya gya halan k main singing ke lye gai thi lekin unhon ne mujhe acting ki offer di main itne bare banar ke sath kaam karne ka moka zayah nahi kar sakti is lye acting ke lye tayar ho gai or is tarha mere acting career ka agaz hua.       

Question: kya tumhare andar nafrat ka jazba mojud hai kis tarha ke logon ya kaamon se nafrat karti ho?

Mansi: main kisi se nafrat nahi karti bal k zindagi me paish ane wale waqiyat ko khush dili se qabol kar leti hon main zindagi me pursakon rehna chahti hon or kabhi kisi aesi sorate hal me nahi parti jis ki waja se nafrat or gair dostana fiza paida ho mere nazdik ye professionalism nahi hai.

Question: kis tarha ke roles karne ki khwahish hai?

Mansi: main challenging roles ka intezar kar rahi hon jesa konkna sin sharma ne 16th park avinew me kya tha aese roles kabhi kabhi dekhne ko milte hain unhen karna boht mushkil hota hai. Konkna ne waqai boht acha kaam kya tha.

Question: log tumhen chote parde ki siri devi kehte hain ye sun kar kesa lagta hai?

Mansi: India calling ke dino me mera mawazna siri devi se kya jata tha q k logon ko hum dono me boht mushabehat nazar ati hai main nahi janti k is me kitni haqiqat hai siri devi ek boht bari adakara hai or is ke sath mawazna karna mere lye ek bari compliment hai.

Question: shadi ke bad tumhari professional life kis had tak mutasir hogi?

Mansi: shadi zindagi ki ek haqiqat hai or ye kisi tarha bhi profession pr asar andaz nahi hoti albata hamen apni tarjihat ka tain karna parta hai upar wale ki meharbani se meri family boht supportive hai or shohar mere ache sathi or dost sabit hue hain main ne kabhi apni zimedarion ko nazar andaz nahi kya or hamesha is bat ka khyal rakha k personal or professional life ko sath le kar chalon.

Question: apne bare me kuch kehna chaho gi?

Mansi: boht se log samjhte hai k main kam umar hon or boht si baten asani se nahi samjhti ye wazah kar dena chahti hon k aesa hargiz nahi hai main ek mechure person hon or apni terjihat janti hon.

Question: tum apne perstaron ko kya pegam dena chaho gi?

Mansi: tamam tv dekhne walon se guzarish hai k wo mere show ki bakiya episodes baqaidgi se dekhen or khas tor pr mere kaam ke bare me apni ray se zaror agah karen agar wo mujh pr taqid bhi karen ge to khushi ho gi q k main samjhti ho k perstaron ki ray hamare lye sab se zyada ahmiyat rakhti hai or isi se hamen apne kaam ko behtr banane me madad milti hai.