Home T.V Actors And Actresses  
Worldknowledge1
 
 
 
 
 
Neha Marda was born on kolkat India, Neha started her carrier as a model and after showing her ability she worked with the color  t.v channel as Television actor. In the year 2010 Neha Marda got married with Ayushman Agarwal, he has his own business, Neha marda also speaks Bangali, she showed her ability in bollywood in the movie Kismat Connection which was released on 2008. In this page you will read and find Gossip with interview of Neha Marda in Urdu and Hindi.

(Interview Of Neha Marda)

 
Neha Marda

Balika wadhu me ghehna ka role play karne wali neha marda ab kisi taruf ki mohtaj nahi rahi or us ka nam ghar ghar phehchana jata hai adakari us ki pehli mohabat sahi lekin use dance se bhi behad lagao hai wo ek tarbiyat yafta classical dancer hai or kai dance reality shows me hisa leti rahi hai lehza use us waqt shaded sadma pohncha jab ye malom hua k wo jhalak dikhlaja ke haliya season me shirkat nahi kar sakti neha ne is faisle pr koi ahtajaj nahi kya or khamoshi ikhtiyar kar li lekin show buisnes ki duniya me koi bat harfe akhir nahi hoti chand roz bad hi muntazmien ne use show ki special episode me hisa lene ke lye approach kya or neha marda ne ek sachi fankara hone ka sabot dete hue frake dili se ye darkhast qabol kar li aaye neha se pochte hain k use kis waja se is show se dor rakha gya is ke elawa bhi taza taren interview me neha ne apne career or personal life ke bare me boht kuch kaha hai.

Question: pehle sunne me aya tha k tum jhalak dikhlaja ke mojuda season me hisa lo gi lekin achanak hi tumhara nam drop kar dya gya is ki kya waja thi?

Neha: G han ! main is show me hisa lene ke lye bil kul tayar thi hamare darmiyan sab baten teh ho chuki thi lekin ek roz mere meneger ne phone kar ke bataya k mujhe is show ke lye sign nahi kya ja raha hai muntazmien ka kehna tha k main pehle hi ek or reality show Nach le we, me saroj khan ke sath hisa le chuki hon lehza Jhalak dikhla ja me shirkat nahi ho sakti mujhe is pr yakin nahi aaya kisi bhi dance show me hisa lene ke lye ye ek ajib shart thi or is se bhi zyada herat kun bat ye hui k chand dino bad unhon ne sushant singh rajput ko is show ke lye sign kar lya jo k is se pehle ek nahi do reality shows me shirkat kar chukka tha main samjhti hon k wo mujhe is show me nahi lena cha rahe the isi lye ye bahana banaya.

Question: tum ne show ke muntazmien se is ki waja daryaft nahi ki?

Neha: mujhe un se bat karne ka koi faida nazar nahi aaya q k main dekh rahi thi k unhon ne sushant ko to sign kar lya jo pehle bhi reality show kar chukka tha or mujhe isi bunyad pr is show se dor rakha lehza mere khayal me asal waja koi or thi lekin main ne is faisle ko khush dili se qabol kya agar wo mujhe lena nahi chahte to is me unhin ka nuksan hai.

Question: pehle unhon ne tumhe sign nahi kya lekin bad me wo ek special episode ke lye tumhare pas chale aye or tum ne bhi us me shirkat qabol kar lya is ki kya waja thi?

Neha: G han ! unhon ne mujhe is show ki ek special episode me perform karne ke lye kaha tha jis me hamen shirka ke sath hisa lena tha mujhe is bat ki khushi thi k madhori dikshit ke samne perform karne ka moka mile ga jahan tak jhalak dikhla ja ka taluk hai to main hamesha se hi is show me shirkat karne ki khwahish mand thi lekin shayad meri kismat me ye nahi tha.

Question: Jhalak dikhla ja me shirkat na karne ka afsos apni jaga lekin is ke elawa bhi kuch waqiyat aese ronuma hue hain jin se tumhara gussa or barh gya hai maslan kisi ne tumhare nam se face book pr jali account khola hai or wo tumhare co stars or industry ke doston ko mukhtalif noiyat ke pegamat bejh raha hai is bare me kya kaho gi?

Neha: G han ! wo shaks mere nam se ulte sidhe pegamat bejh raha hai jin me se ek ye bhi hai k main shiddat se kaam ki talash me hon jo k sach nahi hai mere pas upar wale ki meharbani se boht kaam hai wo rishte daron ke elawa mere doston se bhi rabte me hai ye sorate hal mere lye naqabile bardasht hai main ne is ki report saiber crime ko de di hai or koshish kar rahi hon k face book se ye jali account hat jae.

Question: kya tum batana chaho gi k is jali account ki waja se tumhen kin mushkilat ka samna karna para?

Neha: chand roz pehle ek ajnabi mere pas aaya or puchne laga k guzishta shab meri date kesi guzri main us ki bat sun kar heran reh gai or samjh me nahi aaya k ye shaks kya keh raha hai main ne us se kaha k use bil kul nahi janti or na hi us ki koi bat mere samjh me aarahi hai tab us ne mujhe bataya k guzishta shab wo mere sath face book pr chating karta raha hai isi tarha or bhi kai logon ko ye khush fehmi ho gai hai k hum face book pr dost ban gae hain q k wo shakhs industry ke har shakhs ko meri tarf se request bhej raha hai or mere nam se un se chating karta hai.

Question: is ke elawa bhi 2010 tumhare lye kafi hangama khez sal raha sab se barh kar ye k ek hadse se do char hona para, is bare me kuch batao gi?

Neha: G han ! main kalkata me ek event kar rahi thi takbibn rat dhai baje performance khatm hui or mujhe subha ki flit se wapis ana tha rat boht zyada ho chuki thi or mera driver thaka hua tha shayad use nind bhi arahi thi chunancha us ne gari ek lamp post se takra di jis ke natije me car me aag bharak uthi or us ke darwaze jam ho gae main kisi na kisi tarha khirki ka shisha tor kar bahar nikal aai us waqt karbo jawar me koi nahi tha majboran mujhe ek track driver ki madad lena pari or airport pohnch gai Mumbai ane ke bad ek din hospital me rahi unhon ne mera MRI skin kya or mukamal check up hua shukar hai k koi sanjida noiyat ki chot nahi aai albata chehre pr mamoli si kharashen parh gai thi.

Question: accident ka nam hi aesa hai jis se aadmi fitri tor pr dehsheat zada ho jata hai kya tumhari bhi yahi kafiyat thi?

Neha: G han ! accident ke bad bhi yahi sochti rahi k ye kese or q hua is ki waja se kafi disturb rahi majburan mujhe ek hafte ka break lena para or apni family ke pas indoor chali gai mujhe us break ki shiddat se zarorat thi goh k jismani choten nahi aai thi lekin zehni kefiyat buri tarha mutasir hui thi.

Question: kya ye sach hai k tum ne apne waldain ko is accident ke bare me kuch nahi bataya?

Neha: main ne unhen sirf itna bataya tha k ek hadsa paish aa gya hai q k is ki khabar akhbarat or television me aa chuki thi tahum unhen ye nahi bataya k ye kitna series tha jab unhon ne khabron me suna k mujhe ek shaded noiyat ka hadsa paish aya hai to wo parishan ho gaien lekin main ne unhen ye keh kar mutmain kar dya k media ko to barha charha kar bayan karne ki adat hai.

Question: in waqiyat se qatah nazar tumhara professional career bare hamwar tarike se aage barh raha hai  Jo ishq ki marzi wo rab ki marzi or Ek thi raj kumari ke bad tum balika wadho me kaam kar ke nomayan mokam hasil kar chuki ho lekin boht kam log jante hain k  tum shuro me ye role nahi karna chah rahi thi is ki kya waja thi?

Neha: Jab mujhe show ke creative ne phone kar ke bataya k wo mujhe ghehna ke character me cast karna chahte hain to main ne foran hi inkar kar dya or kaha k sirf lead role karna chahti hon behre hal un ke kehne pr audition dene chali gai or mujhe ye character pasand agya audition me kamyab rahi or mujhe is role ke lye select kar lya gya janti thi k show ki heroin anandi hai lekin is se mujhe koi parishani nahi hui q k mujhe bataya gya k soghna, ghehna or anandi tino hi is show ke aham saton hain unhi dino mujhe zee t v se ek or show Shiri me lead role ki offer hui jo 7 mahine bad band ho gya agar main wo lead role qabol kar leti to aaj kisi ko mera nam bhi yad na hota is ke ber aks main ne Balika wadho ko chose kya or dekh len k is se mere career ko kitna faida hua lehza main samjhti hon k lead role karna koi bari bat nahi hai bal k kisi show me aham character mil jae to us ki ahmiyat boht zyad hoti hai.     

Question: kya Balika wadho me ghehna ka role play karne me koi mushkil paish aai?

Neha: G han ! ye boht hi mushkil character hai q k real life me is tarha ke character se wasta nahi parta or na hi ye mumkin hai k apne se dugni umar ke shaks se shadi karon ghena boht hi sharmili or khofzada larki hai wo chahte the k main mukamal tor pr is character me dhal jaon chunancha director ne mujhe dosri cast se bil kul alag rakha mujhe ek aledha kamra dya gya or shooting ke elawa kisi dosre shakhs se bat karne ki ijazat nahi thi gon k ye sab kuch boht taklifda tha lekin is ka natija boht acha nikla.

Question: surekha jesi bari adakara ke bilmukabil kaam karna kesa laga?

Neha: shuro shuro me to boht khof zada thi shooting ke pehle din mera surekha gee se samna nahi hua phir ahista ahista aadi hoti chali gai lekin ab bhi un se khof zada rehti hon wo itni bari artist hain k un ke samne khara hona bhi mushkil hai.

Question: kya tum is se itefaq karo gi k Balika wadho ab ek rawaiti sas bhaho show banta jar aha hai?

Neha: hargiz nahi Balika wadho sas bhaho show nahi hai bal k is ka taluk ourton ke haqoq se hai is me bataya gya hai k ourton ka kis tarha istehsal kya jata hai ghehna ourton ke sath imteazi salok pr awaz buland karti hai or isi bunyad pr kahani ki imarat khari ki gai hai. Balika wadho ko sas bhaho show ka lebel dena bil kul galat hai.

Question: tumhari professional life pr to boht bat ki jati hai lekin tum ne apni personal life ke bare me kabhi kuch nahi bataya is pr kuch kehna chaho gi?

Neha: filhal singal hon or kisi aese bande ki talash me hon jis se shadi kar sakon main relationship ya waqti dosti ke lye kisi se karib nahi ho sakti mera taluk ek boht hi qadamat pasand Marwari family se hai jahan larki ki shadi 18 sal ki umar me kar di jati hai mere waldain bhi mere lye kisi munasib rishte ki talash me hai or jis din unhen sahi banda mil gya to main hasi khushi shadi kar lon gi.

QUESTION:   ye ek herat angez inkashaf hai q k mojuda nasal love marriage pr yakin rakhti hai or arrange marriage ke haq me nahi?

Neha: sachi bat to ye hai k main arranged marriage ko tarji deti hon agar aap love marriage karen  or wo nakam ho jae to aap ke pas wapsi ka koi rasta nahi hota jab k arranged marriage ki sorat me agar koi aesi bat ho jae to waldain ke ghar ke darwaze hamesha khule rehte hain.

QUESTION:   tum apne hone wale shohar me kya khobyan dekhna chaho gi?

Neha: chahti hon k wo mujh se dewanawar mohabat kare, dolatmand ho q k aaj ke dor me ye sab se aham bat hai wo har lehaz se ek mukamal mard ho q k mujhe chocolate boy pasand nahi aese log mujhe bil kul bhi apel nahi karte agar wo chashma lagata ho to boht hi acha hai q k is se mard ki shakhsiyat me waqar ajata hai.

QUESTION:  Hal hi me suna gya hai k tum sahara one ke show Kismat connection ke star imran mir ke sath relationship me ho kya ye khabar sach hai?

Neha: jab main ne pehli bar ye khabar suni to is pr tabsira nahi kar saki imran or main pehle sirf dost the lekin ab hum ek show ke hawale se sath kaam kar rahe hain ye to aap jante hi hain k is industry me raye ka pahar bante kitni dair lagti hai main zati tor pr mehsos karti hon k ye khabar jan bujh kar phelai gai hai q k unhen show ke promotion ke lye is ki zarorat thi janti hon k ye show kuch zyada kamyab nahi ja raha or ise maqbol banane ke lye is tarha ki khabron ka sahara lya ja raha hai ye sach hai k main imran ki biwi bachon se boht karib hon lekin us se meri zyada betakalufi nahi hai main imran pr ye shuba nahi kar sakti k is khabar ko phelane me us ka koi hath hai q k meri us se ghehri dosti nahi hai wese bhi aap ko bata chuki hon k arranged marriage pr mera yakin hai or walda mere lye rishta dhond rahi hain.

QUESTION: tumhare career me wo kon sa moqam tha jab tum ne boht zyada khushi mehsos ki?

Neha: jab mujhe Ek thi raj kumari me kaam karne pr best debut actress ka all Indian excellence award mila is award ko pa kar mere badan me sansani dor gai jab malum hua k mujhe is award ke lye namzad kya gya hai to main apne aap ko hawaon me urta hua mehsos kar rahi thi jab aap koi award wasol karte hain to us ka matlab ye hota hai k aap ki koshishon or talent ko taslim kar lya gya hai or yahi chez aap ko aage chal kar mazid mehnat karne pr uksati hai.