Home T.V Actors And Actresses  
Worldknowledge1
 
 
 
 
 
Pratyusha Banerjee was born on 10 August 1991 in Jamshed pur India. She is an Indian television actress which showed her ability in different Indian drama’s. Pratyusha started her carrier from a television serial which name is Balika Vadhu. She got 5 different awards in this serial. In this page you will read and find Pratyusha Banerjee interview in Hindi and Urdu.

(Interview Of Pratyusha Banerjee)

 
Pratyusha Banerjee

Question: tumhara taluk jhamshed pure se hai Mumbai me rehne ka tajurba kesa raha?

Pratyusha: Mere lye ye ek boht bari tabdili hai Mumbai or jhamshed pure me boht fark hai lekin is shehar ne mujhe bator actress ek nayi pehchan di hai is bat ki khushi hai k mujhe apni slahiyaton ke izhar ka moka mila or main apni tarf se betren kaam karne ki koshish kar rahi hon.

Question: lagta hai k tum apne celebrity hone ko khob enjoy kar rahi ho?

Pratyusha: yakinan me hamesha se hi actress banne ka khwab dekha karti thi jab aap celebraty ban jate hain to zindagi ko ek khas andaz se guzarte hain or main glamers, shorat wagera ki dewani hon abhi mujhe boht aage barna hai.

QUESTION: celebrity ban jane ke bad tumhare andar kya tabdili aai?

Pratyusha: main nahi samjhti k mujh me koi tabdili aai hai han bator actress thori machure ho gai hon shooting ke pehle roz main ne 23  retaxe di thi ye sirf director ki hosla afzai thi k main ye seen karne ke qabil ho saki mere lye ye sab kuch asan nahi tha boht se log samjhte hain k main ne aweka gor ki jaga li hai aesa nahi hai is show me 5 sal ka lep aya tha or is lehaz se main Balika vadhuki nayi anandi hon lekin main ne apni acting pr tawaja markuz rakhi or is se mujhe aage barne me madad mili.

Question: Balika vadhuke haliya track se andaza hota hai k jagdish anandi ki zindagi se dor ho raha hai or kisi dosri larki ki tarf mail ho raha hai is pr tumhara kya rade amal hai?

Pratyusha: hamen ye bat zehan me rakhni chahye k ye ek daily soap hai or is me aese tracks ko nazar andaz nahi kya ja sakta lekin mujhe yakin hai k jagdish ko apni biwi ki tarf wapis ana pare ga.

Question: kya tumhen 18 sal ki umar me shadi shuda ourat ka role play karte hue be-arami mehsos nahi hoti?

Pratyusha: main ne is andaz me kabhi nahi socha aap ko ye bat bhi zehan me rakhni chahye k main chote screen ki sab se kam umar bhaho hon mera khayal hai k agar aap is silsile me dosre logon se ray len ge to wo bhi mere kaam ki tariff karen ge ek aese show ka hisa hon jis ne television ki dunya me dhom macha di or mujhe yakin hai k boht si actressen meri taklid karna pasand karen gi lehza main apne aap ko bil kul bhi uncomfortable mehsos nahi karti.

Question: kya tumhare khyal me ye mumkin hai k rozana 15, 16 ghante co stars ke sath kaam karne ke doran un me se kisi ke sath achi dosti ho sakti hai jo aagay chal kar life partnership me tabdil ho jae?

Pratyusha: kya aap ka ishara shashank vyas ki janib hai bilkul nahi hum dono boht ache dost hain wo ek boht acha actor or co star hai lekin hum ek dosre se muhabat nahi karte main kisi aese shakhs ko life patner banana chahon gi jo mujhe tot kar chahe or meri sari khwahishat puri kare shashank is type ka banda nahi hai or jahan tak imkan ka taluk hai to muhabat kisi bhi waqt ho sakti hai.

Question: tum dono ki screen chemistry dekh kar to aesa hi lagta hai?

Pratyusha: shuru me aesa kuch nahi tha, shooting k pehle roz main kamre me hair dresser k sath thi jb k shashank vyas bhi wahin betha apni lines yad kar raha tha main use dekh kar thori si heran hui kuen k wo ajeeb ajeeb mu bana rha tha aur jazbati hone ki koshish kar rha tha, mene apne hair dresser se us k bare me pucha to usne bataya k wo male lead k lye audition dene aya hai, mujhe ye sun kar kuch zyada khushi nahi hui aur mene socha k iske sath kis tarha kam kar sakun gi lekin bad me jab hamari jan pehchan ho gai to ache dost ban gae, ham ne ziada waqt sath guzarna shuru  kar dia ta k screen chemistry develop ho sake.

Question: tumhari umar ki larkiyan film stars par nazar rakhti hain, apne bare me kia kaho gi, kia television industry k kisi bande par tumhari nazar hai?

Pratyusha: main karan wahi ko pasand karti thi aur uske dono shows remix aur dil mil gae bakaedgi se dekha karti thi , mera khayal hai k sabhi larkiyon ki us par nazar hai goh k apne mujh se nahi pucha lekin batadon k ranbir kapur par bhi meri nazar hai.

Question: kia tum, is bat par yakin rakhti ho do adakarae dost nahi ho sakti?

Pratyusha: is me koi sachai nahi hai, mere khayal me do adakarae behtarin dost ho sakti hain, missal k tor par neha marda aur main boht achi dost hain, chutti k din ham apna waqt ek sath guzarte hain.

Question: apni koi aesi bat batao jo logo ko malum na ho?

Pratyusha: main mukamal tor par ek romani larki hon, fantasy aur apne dream men par yakin rakhti hon jabke log mujhe dekh kar aesa nahi sochte honge, main aksar apne dream men k sath dream date ka khuwab dekhti hon jo mujhe ek mukhtalif duniya me le jae ga.

Question: tum Mumbai me reh kar kia hasil karna chahti ho?

Pratyusha: achi actoress banne k elawa tin bed rooms ka flait aur Honda acard kharidna chahti hon, main apne sare cheak walid ko de rhi hon jo mere peso ko sambhal kar rakh rahe hain, mujhe umid hai k ek na ek din main ye sab kuch hasil kar longi.

Question: jamshed pur se Mumbai, ab tak ka safar kesa raha?

Pratyusha: main ne hamesha ek bari adakara banne ka khuab dekha q k tarbiat yafta classical dancer bhi hon is lye apni slahiyaton ka izhar chahti thi Mumbai ko log khwabon ka shehar kehte hain lehaza main bhi apne khwabon ki tabir pane ke lye jamshed pure se yahan chali aai chote shahar se taluk rakhne wali ek 18 sala larki ke lye Mumbai me tanha reh kar kaam karna yakinan mukhtalif or mushkil tajurba hai.

Question: ye tumhara pehla t.v show hai tum is ke hawale se kitni pur aetamad ho or is ke lye kya tayari ki hai?
 
Pratyusha: main boht excited hon wese to main ne koi khas tayari nahi ki hai lekin samjhti hon k school or collage ke dramon me kaam karne ka tajurba kafi madadgar sabit ho ga goh k t v mere lye ek naya mediam hai lekin adakari nayi nahi hai koshish kar rahi hon k apni tarf se behtrin kaam karon.

Question: Balika vadhu me kis tarha kaam mila?

Pratyusha: main kalkata ke collage me 1st year me parh rahi thi or usi waqt se is field me ane ki koshish shuro kar di thi lehaza main ne Balika vadhuke production house ko bhi apna port folio bejh dya inhen naye chehre ki zarorat thi is lye mujhe audition ke lye bulaya gya or is me kamyab bhi ho gai goh k boht se umidwar the lekin main ne sab se zyada vote hasil kye mujhe ye malom nahi tha k wo log main lead ki talash me hain fainal voting me malom hua k agar jeet gai to anandi ka role mile ga.

Question: anandi ka character aweka gor ke nam se jura hua hai or log us ke aadi ho chuke hain kya tum is hawale se nerves ho k audience tumhen nayi anandi ke rop me qabol kar len ge?

Pratyusha: mera khyal hai k unhon ne mujhe qabol kar lya hai main shuro se hi nerves nahi bal k excited thi yakinan ye mere lye ek challenge hai q k logon ko is character se boht si tawaqkat wabasta hain logon ne use mazi me pasand kya or meri koshish ho gi k wo ainda bhi is se jure rahen bunyadi tor pr is character me koi tabdili nahi hui albata umar ka fark zaror para hai ab anandi bari ho gai hai main is role se puri tarha relate karti hon usi ki tarha babli, long or narm guftar hon hum dono ka taluk chote shehar se hai anandi jis mahol me rehti hai main bhi use pasand karti hon ye character mere lye ajnabi nahi hai lehaza nahi samjhti k is character ko karne me mujhe koi mushkil paish arahi hai.

Question: jab tum ne actor bane ka faisla kya to tumhare waldain ka rade amal kya tha?

Pratyusha: mera taluk bhi anandi ki tarha rawaiti gharana se hai pehle to unhen ye sun kar herat hui k main actress banna chah rahi hon lekin wo boht supportive hain or unhon ne hamesha mujh pr bharosa kya hai wo jante hain k isi me meri khushi hai or is tarha mujhe apne khwab pore karne ka moka mile ga.

QUESTION: television pr to tumhen kaam mil gya kya is ke bad bollywood ka rukh karo gi?

Pratyusha: nahi filhal main t.v acting se hi lutf andoz ho rahi hon abhi mere zehan me bollywood ka koi khyal nahi hai acting ke sath sath main apni talim pr bhi tawaja de rahi hon lehaza kisi or kaam ke lye mere pas bil kul waqt nahi hai.

Question: apne family back ground ke bare me kuch batana chaho gi?

Pratyusha: bangali hon or mera taluk jamshed pur se hai main ne kalkata ke sent zeoyer collage me talim hasil ki hai or apne waldain ki ekloti olad hon.

Question: acting ka khyal kese aya?

Pratyusha: mera rujhan shuro se hi fanone latifa ki janib tha classical dancer hon or gane ka shok bhi hai school or collage ke zamane me dramon me hisa leti thi lekin jab main ne Kali das me kaam kya to sanjidgi se acting ke bare me sochne lagi us waqt meri umar 17 sal thi.

Question: kya tum shuro se hi Balika vadhu dekhti arahi ho agar aesa hai to kabhi ye khyal aaya k anandi bari ho jae to ye role tum karo gi?

Pratyusha: main baqaidgi se ye show dekha karti thi or kai bar socha k agar anandi bari ho jae to ye role kar sakti hon main ne kabhi socha bhi nahi tha k ek din ye khwab haqiqat ban jae ga.

Question: tumhare khyal me logon ne kis waja se tumhen anandi ke character ke lye vote dye?

Pratyusha: shayad is lye k haqiqi zindagi me bhi anandi jesi  hon or usi ki tarha nazar ati hon ab ye role mere lye ek challenge ban gya hai sab se pehle to un logon ka shukarya ada karna chahon gi jinhon ne mujhe is qabil samjha or apni voting ke zarye kamyab banaya ye mera wada hai k un ke aetamad pr pura utarne ki koshish karon gi.

Question: bachpan ki shadi ke bare me tumhari kya ray hai?

Pratyusha: Balika vadhu me isi masla ki nishan dahi ki gai hai or bachpan ki shadi ki waja se paida hone wale masail ki janib ishara kya gya hai lehaza main bhi yahi pegam dena chahon gi k bachpan ki shadi koi achi bat nahi hai is tarha ek 9 sal ki bachi ki zindagi barbad karne ka kya faida.

Question: apne bare me shah hone wali khabron pr tumhara kya rade amal hota hai?

Pratyusha: abhi mujhe is field me aae hue zyada arsa nahi guzra lehaza aesi khabren parh kar parishan ho jati hon or yahi sochti hon k jab mere waldain or khandan wale parhen ge to mere bare me kya sochen ge main ne isi lye apne waldain ko bhi is sorate hal se agah kar dya hai lekin wo boht supportive hain or unhon ne hamesha meri hosla afzai ki hai ab ahista ahista mujh me aetamad araha hai or main aesi bebunyad khabron pr tawaja nahi deti.