Home T.V Actors And Actresses  
Worldknowledge1
 
 
 
 
 
Rucha Hasbnis was born on 8 February 1988.  she has done  graduation from vinayak Ganesh vaze collage. And after graduation she got degree of M.com from Mubai university. Rucha Hasabnis. She is showing her acting ability in Indian Television darama serial “ sath nibhana sathiya”. In this page you will read and find Rucha Hasabnis interview in Urdu and Hindi.

(Interview Of Rucha Hasabnis)

 

Profile

Tv adakara Rucha hasabnis 8 february 88 ko mumbai me paida hui us ne vinayak ganesh collage se Bcom kya or is ke bad mumbai university me dakhla le lya lekin M.com ke final imtehan se pehle hi us ka acting career shuru ho gya tahum bad me us ne apni talim mukamal kar li rucha ne marathi serial se apne career ka agaz kya or in dino wo Sath nibhana sathiya me rashi ka role play kar rahi hai is character ki badolat use behad shohrat mili or us ka nam ghar ghar pechana jane laga is ke elawa rucha comedy sircus ka tan seen me bhi hissa le chuki hai Sath nibhana sathiya me rashi ke character pr use 6 mukhtalif awards bhi mil chuke hain.

Question: Sath nibhana sathiya me negative role play karne ka tajurba kesa raha?

Rucha: jab show shuru hua to hum me se kisi ko bhi umid nahi thi k ye itna zyada pasand kya jae ga is ki ek waja to ye thi k is show ko 7 baje wali slat me dikhaya ja raha tha jo prime time ki range me nahi ata or dosri waja ye thi k ye ek sas baho drama hai jise in dino aam tor pr log pasand nahi kar rahe isi waja se shuru me ye role karte hue mujhe thori si hichkichahat ho rahi thi mujhe kisi ne ye nahi bataya tha k aage chal kar ye character manfi ho jae ga bas itna malom tha k ye do mukhtalif zehniyat rakhne wali larki ki kahani hai lekin jese jese show aage barhte gya mujhe apne role me dilchaspi mehsos hone lagi or mujhe is ka feedback bhi boht acha mila.

Question: jesa k tum ne khud kaha k Sthiya ……… ek riwaiti sas baho show hai kya tum ne kabhi ye tawaqah ki kye itna zyada kamyab hoga?

Rucha: bilkul nahi jesa k pehler bata chuki hon k is character ko karte hue hichkicha rahi thi or jab mujhe ye role offer hua to dedy ne pucha k kya main ise kar sakti hon q k is se pehle do mukhtalif shows me positive role play kar chuki thi goh k wo show hindi zuban me nahi the phir khud unhon ne ye keh kar mera hosla barhaya k tum is se pehle positive role kar chuki ho lehaza is role me bhi dushwari nahi honi chahye aap dekh sakte hain k is show me kitni zabardast kamyabi mili hai or mere role ko bhi audience ne boht pasand kya hai is ki kamyabi ko dekhte hue keh sakti hon k mustaqbil me bhi sas baho shows pasand kye jaen ge.

Question: show ki shooting ke doran kabhi koi aesa marhla aya jab tum ne mehsos kya ho k is me kaam karne ki hami q bhari?

Rucha: G han jab mere character ne manfi rukh ikhteyar karna shuru kya or wo larki rashi gopi ke  lye mushkilat paida karne lagi to main yahi sochti k aesa q ho raha hai? Mere lye is character ko portry karna mushkil ho raha tha chunancha kuch dair tanha beth kar apne aap ko is character me dhalne ki koshish kya karti thi.

Question: kya rucha or rashi me mumasilat hai?

Rucha: G nahi !chand baton ke elawa in dono me koi mumasilat nahi hai maslan main bhi apne waldain ki boht chaheti hon, mujhe sari pehanna acha lagta hai or main ne apni waldah ko dekh kar hi sari pehanna sikha hai.

Question: manfi character karte hue kya mehsos karti ho?

Rucha: main samjhti hon k gray shed character karna intehai mushkil kaam hai q k jab set pr ati to 200 % mehnat karna parti thi or is doran apne aap ko baqi logo se dor rakhti thi mere director ne kai dafa relex hone ke lye kaha lekin main kafi dair tak us character se bahar nahi nikalti thi 3 4 mahine bad is qabil ho saki k shooting khatam hone ke bad rashi ke khol se bahar ajaon.

Question: star plus ke lye kam karna har actor ka khwab hota hai is bare me tum kay kaho gi?

Rucha: apne aap ko khush qismat samjhti hon k star plus jese channel ke sath kaam karne ka moka mila sachi bat to ye hai k main sirf star privar awards ke lye is channel pr show karna chahti thi tv pr ane se pehle jab apne ghar walon ke sath star privar award show dekhti to mammi se kaha karti k jab ye log acting kar sakte hain to main q nahi kar sakti aaj boht khush ho k jo chahti thi us se zyada mil gya.

Question: kya tum is show ke hawale se kuch yadgar waqiyat shaire kar sakti ho?

Rucha: aese ek do nahi kai yadgar waqiyat hain is show ki shooting ke doran mujhe kai aese kaam bhi karna pare jo is se pehle nahi kye the or na hi ainda karon gi ab bhi jab un episodes ko dekhti hon to khud pr herat hoti hai.

Question: kya tum hamesha se hi adakara banna chahti thi?

Rucha: G han! mujhe bachpan se hi acting ka shok tha meri family or dost bhi ye bat jante the school ke zamane me barh charh kar drame or music shows me hissa lya karti thi teachers ka bhi yahi kehna tha k mujhe aage chal kar acting ke shobe ka intekhab karna chahye. ss

Question: tum talim mukamal karne se pehle hi acting ki field me aagai is ki waja se tumhari talim adhuri reh gai ho gi?

Rucha: G nahi! Main ne acting ke doran hi final exam dya or ache numbaro se pas ho gai ab mera irada qanun ki talim hasil karne ka hai.

Question: is se pehle show me gopi ka kirdar jiya mank kar rahi thi jis se tumhari boht achi dosti ho gai thi lekin ab us ki jaga duelena bhatachar gee ne le li hai us ke sath

Rucha:
Sathiya………. Ki puri team ko main apni family jesi samjhti hon or in me har ek se meri boht achi dosti hai albata jiya ke jane ka dukh hua or wo mujhe boht yad ati hai q k us ke sath ek jazbati taluq qaim ho gya tha duelena ne us ki kami mehsos nahi hone di or bari mehnat se apna role nibhaya.

Question: kya tumhara koi boyfriend hai?

Rucha : G nahi! Filhal singal hon or shooting khatam hone ke bad ek aam larki ki tarha life ko enjoy karti hon filmen dekhna or ghar walo ke sath waqt guzarna acha lagta hai mumkin hai k 2 3 sal bad shadi ke bare me sochon lekin ye nahi bata sakti k love marriage hogi ya arranged albata itni khwahish zaror hai k jis bande se shadi ho wo coprative or samjh bujh rakhne wala shakhs ho meri nazar me paise ya shakalo sorat ki zyada ahmiyat nahi aadmi ka kirdar acha hona chahye.

Question: tumhen ab tak kisi reality show me nahi dekha gya is ki kya waja hai?

Rucha: show business me do tarha se kaam milta hai ya to production house wale aap ko bulate hain ya phir aap khud hi producers ke gird chakar lagate rahen badqismati se mere andar aana ka mada boht hai or main kaam hasil karne ke lye kisi ke aage piche nahi phir sakti agar koi samjhta hai k reality show ke lye mozon hon to wo khud call kare mujhe sirf ek show Comedy sircus ka tan seen me hissa lena ka moka mila agar ainda bhi kisi ne bulaya to zaror jaon gi.

Question: Chote parde pr ane wali har adakara bollywood me kaam karne ka khwab dekhti hai kya tumhare zehan me bhi aesa koi plan hai?

Rucha: abhi tak is bare me nahi socha wese bhi is show ke khatam hone se pehle main koi planning nahi kar sakti agar kisi film me kaam karne ki offer hui to sochon gi lekin mera zati khyal yahi hai k film ke muqable me television zyada behtar field hai or yahan main apne aap ko comfortable samjhti hon.

Question: adakara bane ke bad tumhari zindagi me kya tabdili aai?

Rucha: koi khas nahi ghar wale to mujhe celebraty samjhte hi nahi un ki nazar me aesi larki hon jo kaam pr jane ke lye subha ghar se nikalti hai or sham ko wapas ajati hai albata meri private life kafi mutasir hui hai aksar log shoping mall ya resturante me pehchan lete hain or mujh se free hone ki koshish karte hain zyada tar ki khwahish hoti hai k un ke sath tasweren banwaon jabke mujhe ye bat bilkul pasand nahi.

Question: kya tum samjhti ho k naye adakaron ke ane se muqabla sakht hota ja raha hai or is ka asar purane actors ke moawzon pr bhi par sakta hai?

Rucha: naye actors ki aamad koi gair mamuli bat nahi hai balke ye to ek rotain ka silsila hai ise aap fitri aamad bhi keh sakte hain purane log apna waqt pura kar chuke ab naye bando ko moka milna chahye jahan tak maowze ka taluq hai to jis ki jitni worth hai us ko utne hi paise milen ge.

Question: kya tumhen kabhi kisi dost, sathi ya fans se koi shikayat hui?

Rucha: main sirf apne aap ko dekhti hon is se koi garz nahi k kon kya kar raha hai agar kisi ne mujhe gali di ya mere lye galat alfaz istemal kye to is me mera kya qasor hai oper wale ki meharbani se ab tak aesa koi waqiya paish nahi aya jis ki khikayat karon. Dost or sathi mera boht khyal rakhte hain or fans se to koi shikayat ho hi nahi sakti.