Home T.V Actors And Actresses  
Worldknowledge1
 
 
 
 
 

Sanjeeda Sheikh

Sanjeeda Sheikh was born on 20 December 1984 in Kuwait, India. She is one of the famous arctress model and dancer.  she born in kwait but she spent her chilhood in ahmadabad, gujrat, she also received her early education from here.She started her acting career from a comedy drama serial which name was Kiya hoga Nimmo ka. she appeared in television in 2005, sanjeeda sheikh work first time for star one but in second for star plus when she played the role of a darama serial which name was Qayamat me, in this darama she performed very well, it was the different role for her and she showed her acting ability. this serial was the most popular serial of that time and she also became most popular actress, because behalf of her acting ability she won the heaert of the audience, audience appriciated her and really like to her character and acting. She is also participated in a famous dancing reality show which name was Nach Baliye season 3 and she won that competition.she also appeared in bollywood, she worked in differents movies and played different roles, she showed her ability in baaghban, Ponniyan selvan which was releas in 2005, in this movie she played the role of priya.her third movie was pankh, in this movie she played the role of kusum, and the forth movie of her career was Johnny Mastana. In 2012 she got married with Amir Ali after the 6 year relationship.

 

Profile

Sanjeeda sheikh 20 decembar 84 ko paida hoi us ne 05 me star one ke show Kiya hoga nimo ka , se apne career ka agaz kya lekin starplus ke show Kayamat me aysha ka role play kar ke use bohat shohrat mili wo koyat me paida hoi lekin bachpan or school ke din gujhrat ke shehar ahmad abad me guzare 2 march 2012 ko sanjeeda sheikh ne boyfriend amir ali se 6 sal ki relation ship ke bad shadi kar li is se pehle wo or amir nach balye 3 me hisa le kar pehli position ke haq dar qarar pae the sanjeeda ne career ke doran ab tk 10 mukhtalif show me perform kya hai jabke bollywood  me us ki filmo ki tadad 3 hai in dino wo zee tv ke show Badalte rishto ki dastan me mira ka role play kar rahi hai.

Question: badalte rishto ki dastan, me apne role ke bare me kuch batana chaho gi ?
Sanjeeda: Ye bohat  hi dilchasp role hai or me zee tv ka shukarya ada karti hon k unho ne mujhe is role ke lye select kya, is show ki kahani me hazrin ki dilchaspi ke lye kafi masla hai or wo shuro se akhir tak is se jure rahe ge , jahan tak mira , ke character ka taluk hai to wo ek azad , khud mukhtar or mazbut irade wali larki hai jo apni sharto par zindagi guzarne ki khwahish mand hai wo apni khawabon ke shehzade ke sath diwangi ki had tak muhabat karti hai or apne mustakbil us se wabasta kye hue hai. mira ek aesi larki hai jo  batarin halat me bhi apne bat par qaim reh sakti hai.

Question: tumhe is role me esa kya khas bat nazar aai  jo ise qabol kar lya ?
Sanjeeda: Ye ek bohat dilchasp or mukhtalif role hai , mira dekhne me kafi  samjdar nazar ati hai lekin haqiqat me aesi nahi hai , wo bohat narm dil , jazbati or thori si adam tahfuz ka shikar hai or yun lagta hai jese use zindagi me kisi chez ki talash ho , mujhe apna naya look bohat pasand aya or aesa mehsus hota hai jese ghar se hi ye kapre pehan kar aai hon. Career ke is mur par mere liye ye bat bohat ahmiyat rakhti hai k ache logon ke sath kam karo or ye aesa character hai jo is se pahle me ne nahi kya. roi ojha production ke bare me bohat kuch sun rakha hai jinho ne susral genda phol , jesa behtarin show pesh kya tha or mujhe in ke sath kam karne ki bari khushi hai. character bhi dilchasp hai channel or production house dono hi gair mamoli hai inhin sab baton se mil kar mujhe ye role qabol karne pr majbor kar dya . is show me kaam karne ki ek or waja ye thi k khujishta 2 baras se saraha ke sath involve thi in ka boht acha rawaiya tha or wo meri ejat karte the mujhe sirf 15 din kaam karna hota tha or baqya waqt family ke sath guzarti thi lehaza main ne socha k ab thori si mehnat karne ka waqt hai or aese moqa bar bar nahi milte main samjhti hon k ye show meri qismat me likh dya gya tha mujhe positive logon ke sath ache mahol me kaam karna pasand hai is show se bari umeden wabasta hain.

Question: addti gupta bhi tumhare sath main lead role play kar rahi hai tum dono ke bich kese taluqat hain?
Sanjeeda: Hum dono Zara nach ke dikha me ikhathe kaam kya tha or taqriban 4 mahine tak realser karte rahe lehaza use achi tarha janti hon jab se Badalte rishton ki dastan me cast kya gya to boht khushi hui yun samjh len k hum dono k bich hero heroin jese taluqat hain q k hamare kai seens ikhathe hain agar actors ke darmiyan ache rawabta hon to khud bakhud chemistry develop ho jati hai or dekhne wale bhi use mehsos kar sakte hain.

Question: tum ne Kya hoga nimu ka me ek shokh larki ka role play kya tha is ke bad Qayamat me negative character kya or ab Badalte rishton ki dastan me mira ka positive role kar rahi ho kya tum jan bujh kar aese role select karti ho?
Sanjeeda: Actor ke lye zarori hai k wo har bar mukhtalif andaz me nazar aae jahan tak selection ka taluq hai to hamare hath me kuch nahi hota ye mehaz itefaq hi hai k mujhe har bar mukhtalif role mil rahe hain albata kisi role ko qabol karna ya na karna mere ikhteyar me nahi hai lekin aesa usi waqt kar sakte hain jab mali tor pr aap ki position mustehkam ho or 2 4 mahine agle role ka intezar kar sakte hon.

Question: boht se tv actors filmon me ja rahe hain kyat um ne kabhi is bare me socha?
Sanjeeda: career ke is marhale me sirf ache logon ke sath kaam karna chahti hon jo mujhe ezat den or meri kaam ki ezat kare apni mojuda position se khush hon or mere pas itna waqt nahi hai k bollywood me jaga hasil karne ke lye jadu jehad karon zindagi me ko kuch hasil kya hai us se mutmain hon or khush hon k tv pr ache project mil rahe hain.

Question: tum ne Bagban jesi film me ek mukhtasar role play kyat ha agar koshish ki jati to bollywood me mazid filmen bhi mil sakti thin.?
Sanjeeda: main samjhti hon k bollywood me god father ke bagair career banana mushkil hai agar kisi ki sar parasti mil jae tab bhi mehnat or qismat ke bagair aage barhna mushkil hai. bollywood me mera koi god father ya god mother nahi hai isi lye Bagban ke bad kisi ne notes nahi lya. Behre ha lab halat badal rahe hain or kai tv actors ko bollywood me kamyabi hui hai agar kisi ache role ki offer hui to shayad qabol kar lon gi.

Question: tum ne ek comedy show Hae parosi kon hain doshi me bhi kaam kya hai ye tajurba kesa raha?
Sanjeeda: is serial ki har episode me koi na koi aesi bat hoti thi jis se audience relate karte the or is ki 100 episodes guzar jane ke bad bhi maqboliyat me koi kami nahi aai. Comedy ko hamesha challenging samjha jata hai lekin mujhe wo role karne mo boht maza aya agar aap role samjh jaen to comedy aap ke lye tragedy nahi ban sakti.

Question: tumhen dance se bhi lagao hai lekin nach balye ke bad kisi dance reality show me hisa nahi lya is ki kya waja hai?
Sanjeeda: puri industry janti hai k mujhe dance se kitna pyar hai agar koi samjhta hai k main dance kar sakti hon to unhen khud hi apne show me invite karna chahye kisi ke darwaze pr ja kar bhik nahi mang sakti jahan tak dance ka taluq hai to ye mere lye zehni dabao se nikalne ka sab se behtrin zarya hai or is ki waja se mujhe apne jisim ko munasib shape me rakhne me madad milti hai mukhtalif awards function me perform karna pasand hai or ek na ek din apni dance acedmy khol lon gi.

Question: kya tumhara dil nahi chahta k aamir ali ke sath kisi show me kaam karo?
Sanjeeda: jab hum kisi award function me perform karte hain to us ke bad hazaron ki tadad me e-mails milte hain jin me farmaish ki jati hai k hum dono kisi show me ek sath nazar aae mujhe bhi aamir ke sath kaam kar ke khushi ho gi or chahon gi k wo koi love story hota k hamen romani seen karne me koi mushkil pesh na aae lekin is ka fesla to producers hi kar sakte hain na jane abhi tak kisi producer ko ye khayal q nahi aya k wo mujhe or aamir ko ek sath kisi show me cast kare.

Question: bohat se logon ka khayal hai ke television pr acting ke moqe mehdud hain yahan ap positive ya negative character hi kar sakte hain kya tum is se itefaq karti ho ?
Sanjeeda: G han , ye sach hai ke tv dramo me abhi tak riwaiti nuiyat ke character hi pesh kye ja rahe hain lekin ye bat bhi zehen me rakhni chahye k television or film me bara farq hai tv ke zyada tar drame mashre ki akasi karte hain or in me orat ko maa behan beti or biwi ke rop me hi dekhaya ja sakta hai chote screen pr kisi pholan devi ki gunjaish nahi or na hi audiance use pasand Karen ge albata hamare mashre me bhi orat ke boht se rop hain maslan agar mujhe darama produce karne ka moqa mile to sab se pehle ekta kapor ki zindagi ko daramatize karon gi dar asal masla ye hai k hamare writers ek makhsos daire se bahar nikalna nahi chahte or yahi waja hai k tv drama ek jaga a kar ruk gaya hai.   

Question: shadi ne tumhari zindagi pr kya aser dala ?
Sanjeeda: Shadi ko ek  sal se zyada ka waqt  guzar gaya hai or me samjhti hon k shadi ke bad zindagi me behtari aai hai pehle se hi romantic thi lekin amir kuch zyada hi romantic ho gaya hai go ke dono hi apne apne kam me masruf rehte hain or hamen ek dosre ki majburyon ka bhi ahsas hai is lye agar kabhi wo mera phone receive na kare ya me us ki call ka jawab na don to hum log mind nahi karte q k andaza  ho jata hai k shoting chal rahi ho gi ya set pr koi or masrufyat ho sakti hai .

Question: shadi ki pehli salgira kese manai?
Sanjeeda: Hamara khayal tha k bohat dhom dham se manaen ge lekin is profesion me kuch bhi yakini nahi hota hai us roz amir Mumbai me shoting kar raha tha  or me dosre shehar me apne show ki recording me masruf thi bamushkil tamam sham hum dono yakja hue wo airport par mera intazar kar raha tha wahi se hum ek hotel me dinner karne chale gaen albta soch rahi hon k jab bhi thori si fursat mili to qaribi dosto or rishtedaro ko party don gi.

Question: kya kabhi tumhe koi aesa role chorne par pachtawa hua jo bad me bohat zyada hit ho gya ho?
Sanjeeda: Aese kai character hain jinhe mene mukhtalif wajuhat ki bina par qabol karne se inkar kar dya lekin nazrin ne unhe pasand kya albta  wo shows kamyab na ho sake  mera manna hai ke actor ki life me character ke sath sath show ki bhi ahmiyat hoti hai or us ki kamyabi ka credit actor ko bhi milta hai.

Question: in dino tum aksar shadi ki taqarib me amir ke sath dance karti hoi nazar arahi ho kya kabhi is hawale se tumhe media ke sawalon ka jawab dena para ?
Sanjeeda: Bilkul nahi abhi tak kisi ne mujh se is bare me koi bat nahi ki or inhe karni bhi nahi chahye q k janti hon  log mujhe or amir ko ek sath dance krta dekh kar enjoy karte hain or hamen har hal me in ki khushi aziz hai hum media ke lye nahi balke public ke lye kam karte hai.

Question: agar tumhe kisi show me hosting ka moqa mile to kis qisim ke show ko tarjih do gi?
Sanjeeda: Koi bhi reality show qabol kar sakti hon tahum meri pehli tarjih dance reality show hoga q k mujhe dance se bohat dilchaspi hai or is show ki hosting ke doran apna shukh pura karne ka muka mil sakta hai.

Question: tumhe kis wakt sab se zyada frestiration hoti hai?
Sanjeeda: Me kabhi mayus nahi hoti lekin jab din bhar ki sakht mehnat ke bad bhi kam karna pare to bohat kufat hoti hai tahum ye ek arzi kefiyat hai or kam shuru hone ke bad me sab kuch bhol jati hon.

Question: performance ke doran kise apna dance partner banana pasand karo gi?
Sanjeeda: Wese to amir ke sath dance kar ke bohat mutmain hoti hon lekin agar mujhe bollywood me se kisi partner ka intekhab karna pare to wo hrithik roshan hoga.

Question: kis kisim ke logo se dor rehti ho ?
Sanjeeda: Jhute ,munafiq or jali logo se mujhe shaded nafrat hai.