Home T.V Actors And Actresses  
Worldknowledge1
 
 
 
 
 
Sara Loren was born on 11 December 1985 in Kuwait, Pakistan. Her actual name is Mona Lisa but she changed her name. Sara Loren started her career as a model then she try her luck in Lollywood, she showed her ability in “Gidh” which was directed by Shamoon Abbassi and then she also became a part of one more lollywood movie which name was “Saltanat” the she started work in Bollywood from the movie “Kajraare” and recently she worked in a super hit movie which name was “Murder 3”. In this page you will read and find Gossip with interview of Sara Loren-Mona Lisa in Urdu and Hindi.

(Interview Of Sara Loren-Mona Lisa)

 
Sara Loren Mona Lisa

Sara loren jis ka purana nam mona lisa hai 11 december 85 ko koait me paida hui 2001 me walid ki wafat ke bad mona lisa ka khandan pakistan agaya jahan us ne actress ke tor pr apne career ka agaz kya wo apni ek saheli ke sath photo shoot me gai to photo grapher ne us ki bhi kuch tasveren utar li jis ke bad use pehli ishtehari campain mil gai kuch ishteharat me modeling karne ke bad use tv serial Rabiya zinda rahe gi me adakari ka moka mila jis ke hidayat kar S suleman the is ke bad us ne beshumar tv dramo me kaam kya or pakistan ki drama industry me top star ke tor pr pehchani jane lagi, 2010 me use bollywood ki film Kajrare me kaam karne ka moka mila pakistan me bhi us ne do filmo Gidh or Saltanat me adakari ke johar dikhae hain jabke bollywood me us ki nayi film Madder 3 15 february 2013 ko release ho rahi hai. mona lisa ko shairi, mosawari or dunya ghomne se dilchaspi hai 2012 me us ne apna nam tabdil kar ke sara loren rakh lya or mumbai muntaqil ho gai Madder 3 me wo isi nam ke sath cast ki gai hai jabke is ke muqabil randip huda ne lead character kya hai.

Mumkin hai sara loren ka nam boht se logo ke lye ajnabi ho lakin jab us ka purana nam mona lisa sunne me aae to ankho ke samne ek khob sorat or smart larki ka chehra ajata hai jis ne guzishta 7 salo me pakistan television pr kai chonka dene wale kirdar kar ke apne aap ko tv ki top star sabit kya lekin aage barhne ki lagan use parosi mulk le gai jahan us ne apni pehli hi film Kajrare me markazi kirdar ada kar ke bollywood producers ki tawaja apni janib mabzol karwa li, is film ki direction poja bhat ne di thi lehaza jab Mahesh bhat ne Madder 3 banane ka socha to un ke zehan me foran hi mona lisa ka khyal aya ab wo sara loren ken am se is film me markazi kirdar ada kar rahi hai or use tawaqa hai k film ki release ke bad bollywood me use mazid moka mil saken ge.
 
Question: tum ne apna name q tabdil kar lya jabke mona leza ko achi khasi shohrat mil chuki thi?
 
Sara: jab aap internet pr ye nam type krte hain to boht sari mona leza namudar ho jati hain ab ye boht common ho chukka hai or bhrat me jis agency ke sath kaam kar rahi hon wo is ke haq me nahi the lehaza main ne bhi socha k career ke is marhale pr jab main bollywood ki ek bari film karne ja rahi hon to mujhe apna nam tabdil kar lena chahye, main ne is silsile me ek najumi se mashwara kya to us ne bataya k mere nam me do martaba z ata hai jis ki waja se masail paida ho rahe hain or shayad main wo shohrat hasil na kar saki jis ki guzishta 7 barso me mustahiq thi.

Question: tumhe achanak hi film me kaam karne ka khyal kese agya jabke television pr tumhara safar kamyabi se jari tha?

Sara: is se pehle bollywood ki ek film Kajrare kar chuki hon or kisi achi peshkash ka intezar kar rhi thi q k ek film karne ke bad aage barhane ki khwahish fitri hai jabke pakistan me ache moke moyasar nahi hain adakara ke tor pr apne aap ko grom karne ke lye mjhe ek film ki shaded zarorat thi jab main ne apna career shuru kya to koi khas mushkil paish nahi aai kisi ne meri tasver dekh kar fair and lovely ke istehar me kaam karne ki paishkash kar di or us ke bad television me kaam milne laga jis ke lye mujhe koi jadojehad nahi karna pari lekin ab wo marhala aan para hai or main is ke lye tayar hon goh k 7 sal tak pakistan me actrees ke tor pr kam kar chuki hon lekin apne aap ko established karne ke lye mazid 2 3 sal struggle kar sakti hon.   

Question: kya tumhe ye dar nahi k ek aesi industry me jahan musalsal kam umar or haseen adakaraon ki aamad ho rahi hai tum zyada umar ki nazr aogi?

Sara: mera khyal hai k ab bhi 18 ya 19 sal se zyada ki nahi lagti wese bhi ab log kaam ki quality dekhte hain or unhen is se koi garz nahi hota k adakara ki umar kya hai. Vidia balan or Katrina kaif ki misalen shamil hai ye dono takriban 30 sal ki hain lekin film industry pr raj kr rahi hain, karena kapoore 35 sal ki umar me bhi apne career ke uroj pr hai is lye mujhe is bat ka koi dar nahi k 25 sal ki umar hone ki waja se koi mushkil paish asakti hai main apne aap ko 19 sal ka mehsos karti hon or wesi hi nazar ati hon.

Question: kya waja hai Kajrare ne box office pr acha business nahi kya?

Sara: is ki waja ye hai k himesh hero nahi hai main ne ye film sirf apne role ki dekhte hue chose ki actor ke tor pr apne aap ko azmana or bollywood ka tajurba hasil karna chah rahi thi unhen bhi is film ke lye pakistani adakara ki zarorat thi lehaza mujhe select kar lya gya sab logo ne meri adakari ko pasand kya or is film ki DVD mangawa ka rise ghar pr dekha gya.

Question: in dino tumhari kya masrofiyat hai?

Sara: Murder 3 mukamal ho chuki hai or isi mahine release ho rahi hai is ke elawa abhi kuch filmen pipe line me hain lekin in ke bare me filhal kuch nahi bata sakti.

Question: tum ne mumbai ko kesa paya?

Sara: wese to dunya bhar ki sair kar chuki hon lekin mumbai boht acha laga shayad is ki waja ye ho k yahan bhi hamari zuban boli jati hai lekin is se bhi barh kar mujhe yahan ki haqiqat pasandi achi lagi ek tarf to hamen sarko pr mercedes caren dorti hui nazar ati hain to dosri janib log sarkon or foot pathon pr rehaish ikhteyar kye hue hain yahan qadam qadam pr kahaniyan bikhri hui hain main filhal versoda ke ek apartment me reh rahi hon or ise main ne jadojehad ka period samjh kar qabol kr lya hai mumkin hai k settle down hone me 1, 2 sal lag jaen.

Question: tanhai dor karne ke lye kya karti ho kya tum ne kuch dost banae hain?   

Sara: G nahi ! doston ki tadad kuch zyada nahi hai q k musalsal kaam me mashrof rahi hon albata baqaidgi se kathak ki classen le rahi hon queens road pr driving sikhne jati hon or maze maze ki vegetarian food khati hon.

Question: kya tum ab bhi pakistan jati ho ya mukamal tor pr mumbai girl ban gai ho?

Sara: kuch arse pehle dipak perwani ke lawn ki ishtehari film ke silsile me jana hua tha mere khyal me wo boht acha designer hai or use print, rango or class ki pehchan hai jab se sonam kapore or karina kapore ne pakistani lawn ki shooting karwai hai yahan ke log bhi is product ke bare me jan gae hain.

Question: kya tum ne kabhi actress bane ke bare me soch tha? 

Sara: main ne pehle 2 project paison ke lye kye jab walid ka inteqal hua to hum koait se pakistan chale gae wo hamare lye mushkil waqt tha or mujhe apni family ko support karna tha main babrah sharif, sabiha khanam or rekha ko pasand karti thi lekin kabhi socha bhi na tha k khud bhi ek din actress ban jaon gi, fair and lovely ka ishtehar karne ke bad main ne achanak hi ek drame Rabiya zinda rahe gi ka audition dene ka faisla kar lya jis ki direction pakistan ke namwar hidayat kar s suleman de rahe the jab main ne apni lines boli to unhon ne kaha k ye koi takrir nahi balke dialogue hain jis pr main ne jawab dya k mujhe nahi malom k acting kis trha ki jati hai unh one mujh se kaha k script ghar le jao or aine ke samne practice karo jab do din bad dobara audition ke lye gai to unho ne mujhe select kar lya is ke bad kabhi kisi role ke lye audition dene ki zarorat paish nahi aai or kaam khud bakhud milta chala gya.

Question: tum kya samjhti ho k pakistan me tumhare kaam ko nahi saraha gya?

Sara: main ne 7 sal me mukhtalif qisim ke role kye lekin ek bar bhi lux style award ke lye namzadgi nahi hui jo mere lye mayosi ka sabab bana shayad is ki waja ye rahi ho k main fasion media me envolve hone ke bajae apni acting skills ko barhane pr tawaja deti rahi. Mera ek drama Main mar gai shokat ali boht hit hua tha or ise gaon gaon dekha gya is pr meri namzadgi honi chahye the shayad yahi waja thi k main ne bollywood ane ke bare me socha, yahan pr choti se choti kamyabi ka bhi notes lya jata hai 7 bars boht tavil arsa hota hai agar main ne apni salahiyato ka muzahira kya hai to mujhe mazid acha kaam milna chahye main wo larki hon jo har qisim ka role kar sakti hon. Or main ne ise sabit bhi kya hai.

Question: phir kya waja hai k tum kamyabi ke us level tak na pohnch sakin jahan rema or aysha khan nazar ati hain?

Sara: shayad is ki waja ye rahi ho k wahan pr log mujhe samjh nahi sake ye sach hai k mere bare ma hamesha confusion paya gya phir jab mujhe bollywood ki film me kaam mila or Kajrare me jitney ache andaz me paish kya gya main nahi samjhti k kisi pakistani adakara ko aesa moka mila hoga shayad isi lye pakistani director or producers confusion ka shikar ho gae k wo mujh tak kese approach karen lehaza main india chali aai.

Question: kya tum ne kabhi ye jane ki koshish ki k pakistani directors or producers tumhare bare me q confuse the?

Sara: agar main in chezo ke bare me sochti to meri zindagi ke mazid kuch sal zayah ho jate, ye ek haqiqat hai k pakistan me media hamen support nahi karta jabke bharat me foran hi aap ko hathon hath lya jata hai is se pehle adnan sami or nusrat fatah ali khan ke sath bhi aesa hi ho chukka hai goh k main ne musalsal kaam nahi kya lekin main nahi samjhti k kisi or larki ne meri tarha mukhtalif qisim ke role kye hon.

Question: kya tum ne abhi tak lollywood ki kisi film me kaam nahi kya ?
         
Sara: hal hi me Saltanat nami film me ek item number picturaise karwaya hai jise boht hi khob sorat andaz me shoot kya gya hai main vulgaritypr yakin nahi rakhti is ke elawa shamon abbas ki film Gidh me bhi markazi kirdar ada kar chuki hon ye film mukamal ho chuki hai or unkarib release kar di jae gi.

Question: is hawale se tum pr bhi tanqid ki ja rahi hai k tum ne sarhad par apne aap ko sex symbol ke tor pr paish kya is pr kya kaho gi?

Sara: ab filmo ka mayar boht barh gya hai or hamen Hollywood se moqabla karna par raha hai main ek bold larki or serious actor hon jab main ne Kajrare dekhi to yakin nahi aya k bare parde pr itni achi nazar aaon gior tab main ne mehsos kya k camera mujhe pasand karta hai.

Question: kya tum ainda bhi filmo me is tarha ke role karna pasand karo gi?

Sara: main pehle hi chand filmon me kaam karne se inkar kar chuki hon jin me bold manazir the in me se ek zila ghaziabad hai jis me sanjey dad, arshad warsi or vivak abroy kaam kar rahe hain is ke elawa bhi 3 filmen isi waja se rad kar chuki hon albata agar koi strong role offer hua to shayad use qabol kar lon tahum ye nahi chahti k mere bare me kaha jae k bollywood ja kar main ne aryaniyat ka sahara lya ab tak jo kuch kya us pr koi pachtawa nahi hai.

Question: Vena Malik ne boht thore arse me bharat me jo shohrat or maqboliyat hasil ki is pr kya kaho gi?

Sara: agar wo item number karna chahti hai or use is tarha ki pechan pasand hai to q na kare main samjhti hon k us ne waqai ek bold step lya hai lekin mere khyal me is tarha ki shohrat arzi hoti hai ek actor ko log us ke kaam ki waja se pasand karte hain or ezat dete hain.

Question: kya tum ne logo ki tawaja hasil karne ke lye kisi publicity stand ke bare me socha?

Sara: mumkin hai k dosre log aam tor pr is tarha ki koshish karte hon or unhen waqti tor pr kmyabi bhi mil jati ho lekin main in baton pr yakin nahi rkhti chahe mujhe apne aap ko establish karne me kitni hi dair q na lag jae.