Home T.V Actors And Actresses  
Worldknowledge1
 
 
 
 
 
Shilpa Anand was born on 10th December 1982 in South Africa, Shilpa Anand one of the famous Television actress, Model and film star. Shilpa Anand started her Career as a model and did alots of commercial and she got chance to show her ability in bollywood, her first movie Iqrar By Chance and second movie was Dill Mill Gaye. Before started her acting career she got Master degree in Computer Application. In this page you will read and find Shilpa Anand interview in Urdu and Hindi.

(Interview Of Shilpa Anand)

 

Question: apni shakhsiyat ko ek lafz me bayan karo?

Shilpa: jald baz.

Question: apni kon si khobi sab se zyada pasand hai?

Shilpa: har kaam ko asan leti hon or kisi mushkil se nahi ghabrati.

Question: agar adakara na hoti to kon sa profession ikhteyar karti?

Shilpa: software engineer.

Question: tumhara lucky number or colour kya hai?

Shilpa: mera lucky number one or lucky colour yellow hai.

Question: kisi parastar ke sath koi yadgar waqya paish aya?

Shilpa: G han! ek larki meri boht bari fan thi ek din wo set pr aai or gale lag kar mujhe pyar karne lagi is ke sath hi wo jazbati awaz me ye bhi keh rahi thi main boht khob sorat hon us ka pur khalos ikhlaq dekh kar boht mutasir hui halanke haqiqat me wo khud mujh se kai zyada khob sorat thi.

Question: tum zindagi me kin logon ko ahmiyat deti ho?

Shilpa: apni family bilkhasos waldain.

Question: apne ideal mard me kya khobian dekhna chaho gi?

Shilpa: us me aage barhne ki lagan ho or dosron ka khyal rakhta ho.

Question: tumhare pasandida khane kon se hain?

Shilpa: mujhe desi or bidesi dono hi tarha ke khane pasand hain bashartia zaiqe dar ho.

Question: tum ne zindagi me ab tak apni maa ke lye sab se acha kya kaam kya?

Shilpa: koi bhi olad maa ka haq ada nahi kar sakti is lye agar main ne un ke lye kuch kya bhi hai to wo mera farz tha albata ye itminan zaror hai k baewaqt elaj se un ki maigrin problem dor ho gai.

Question: agar tum se 3 khwahishen bayan karne ke lye kaha jae to wok on se hon ge?

Shilpa: sehat, dolat or khushi.

Question: tumhare andar kon si qudrati salahiyat hai?

Shilpa: hazir jawabi.

Question: kis tarha ka music sunna pasand karti ho?

Shilpa: mujhe riwaiti bollywood gane pasand hain.

Question: pasandida adakara or adakar ka nam batao?

Shilpa: aamir khan or kajal.

Question: ghar wale kis nam se pukarte hain?

Shilpa: shilpa.

Question: ghar se nikalte waqt kon si chezen sath rakhti ho?

Shilpa: mobile, hand beg or lip stick wagera.

Question: pehli bar camere ka samna karte waqt kya tasirat the?

Shilpa: pehli bar to har actor hi nerves hota hai tahum main puri tarha tayar ho kar aai thi or soch rakha tha k apni ghabrahat pr qabo pane ki koshish karon gi.

Question: agar co actor behtar performance de raha ho to us waqt tumhari kya kefiyat hoti hai?

Shilpa: use main apne lye challenge samjhti hon or jis tarha do pehalwan akhare me ek dosre ko chit karne ki koshish karte hain main bhi apne co actor pr hawi hona chahti hon.

Question: kis bat pr gussa ata hai?

Shilpa: boht safai pasand hon lehaza jab ghar me chezon ko betartib halat me dekhti hon to boht gussa ata hai.

Question: media se kya shikayat hai?      

Shilpa: shikayat kya ho sakti hai mujhe to har waqt dharka laga rehta hai k kahin media wale mujh pr bhi meharban na ho jaen.

Question: tumhari nazar me mohabat ki kya tariff hai?

Shilpa: mohabat ek fitri jazba hai or is me kisi qisim ki milawat nahi honi chahye.

Question: fursat ke oqat me kya karti ho?

Shilpa: filmen dekhti hon or telephone pr doston se lambi bat karti hon.

Question: kisi adakara ko dekh kar dil me ye khwahish hoti hai k kash tum bhi us jesi hoti?

Shilpa: film or television pr darjanon adakaraen hain jinhen apna ideal samjhti hon tahum meri khwahish hai k madhori jesi ban jaon.

Question: sab se zyada kis bat se dar lagta hai?

Shilpa: kahin media me koi aesi khabar na chap jae jise parhne ke bad apne ghar walon or doston se sharminda hona pare.

Question: partion me kon sa libas pehan kar jati ho?

Shilpa: koi khas choise nahi hai albata koshish yahi hoti hai k behtar libas pehan kar jaon ta ke log mujh se impress ho saken.