Home T.V Actors And Actresses  
Worldknowledge1
 
 
 
 
 
Shubhangi Atre Poorey was born on 11 April 1981 in Indore India, is an Indian drama actress,and model, generally known for her role in drama do hanson ka jodaa and kasturi. In this page you will read and find Shubhangi Atre interview in Urdu and Hindi.

(Biography Of Shubhangi Atre Poorey)

 

Profile

Shubhangi atre poorey ka taluq sadya pardesh ke shehar indoor se hai us ne MBA ki degree hasil karne ke bad acting ki field me ane ka faisla kya or pehli bar use mashor serial Kasoti zindagi ki me adakari ke johar dikhane ka moka mila kuch arse bad us ne show se alehdgi ikhtayar kra li q k use ek or serial kastori me markazi kirdar ki paishkash hui thi us ne moka ganimat jan kar ye offer qabol kar li or aaj bhi wo isi serial ke hawale se pehchani jati hai. 2010 me us ne NDtv amchan ke show Do hanson ka jora me shalin bhanot ke bilmuqabil prity ka role kya agle sal use colours tv show hon me munfi kirdar karne ka moka mila or ab ek sal ke waqfe ke bad wo sab tv ke show Chirya ghar me nazar arahi hai is ke elawa shubhangi ne bollywood ki film Toltle indians me bhi kaam kya hai jo port production ke marhale me hai. Shubhangi ko us ki ala adakari pr 2008 me favourite patni ka star parivar award or 2008 me hi new talented award mil chukka hai. Shubhangi ki shadi piyush poorey se hui jis se us ki ek beti ashi hai.

Question: Chirya ghar ka hisa banne pr kesa mehsos kar rahi ho?

Shubhangi: ye show karte hue boht khushi ho rahi hai or is marhale pr is se khob enjoy kar rahi hon. Comedy show me character karte waqt zehan pr koi dabao nahi hota mujhe hamesha se hi comedy karne ka shoq tha or ab ye moka milne pr apne aap ko khush qismat samjh rahi hon.

Question: Chirya ghar ke bare me kya kehna chaho gi?

Shubhangi: is show ka concept boht acha hai or characterization bhi bari achi tarha ki gai hai mera yakin hai k har insan me andar ek janwar chupa hua hota hai or yahi kuch is show me bhi bataya gya hai missal ke tor pr mera character koyal ek aesa parinda hai jo sorili awaz me gata hai mujhe singing se pyar hai isi lye mera nam bhi koyal rakha gya hai is se zyada kuch nahi bata sakti warna show dekhne ka maza nahi aae ga.

Question: tumhen is show me kaam karne ka moka kese mila?

Shubhangi: mujhe production house ki janib se call wasol hui unhen koyal ke lye ek adakara ki zarorat thi jise pehle shiplap shande ne ada kya tha main is silsile me pehle hi ashoni dhar se bat kar chuki thi lehaza jab show ki offer hui to ye character karne ke lye tayar ho gai.

Question: kya tum samjhti ho k koyal ka role play karna asan hoga?

Shubhangi: koi bhi role asan ya mushkil nahi hota ye actor pr munhasar hai k wo is challenge ko kis tarha qabol karta hai. is lehaz se koyal ka role play karna waqai mere lye ek challenge hai main is show ke bich me dakhil hui hon lehaza mumkin hai k logon ko mujhe qabol karne me kuch waqt lag jae tahum yakin hai k boht jald mujh se ashna ho jaen ge. 

Question: kya tum ne is role ko play karne ke lye koi hikmat amli banai hai?

Shubhangi: G nahi! Main ye role bhi usi tarha karon gi jesa k mazi me dosre shows me karti rahi hon mujhe apne andaz me adakari karni hai or kisi ki naqal nahi karon gi.

Question: kya tum ne kabhi comedy role karne ke bare me socha tha?

Shubhangi: main ne akhri show Hon colours tv se kyat ha or intezar kar rahi thi k koi mukhtalif role mile ab tak har tarha ke role kar chuki hon lekin comedy character karne ka moka nahi mila tha boht khush hon k is show ke zarye comedy me bhi apni salahiyat ko azma sakon gi.

Question: tum kafi arse bad television pr nazar arahi ho kya tum ne break le rakha tha?

Shubhangi: G nahi! Main ne koi break nahi lya balke tv pr nazar na ane ki bari waja ye thi k main kirdar ke intekhab me boht chosi hon or ankh band kar ke koi role qabol nahi karti lehaza aese character ka intezar kar rahi thi jis se mutmain ho sakon. Chahti hon k log mujhe har bar mukhtalif characters me dekhen amoman aesa hota hai k boht se actors apne mashor kirdar ke hawale se pehchane jate hain jabke main aesa nahi chahti meri khwahish hai k log character ko nahi balke shubhangi ko ek achi adakara ke tor pr yad rakhen isi lye mujhe challenging characters pasand hain.

Question: kya tumhen reality shows me kaam karne ki khwahish hai?

Shubhangi: G han! main reality shows karna chahti hone k dafa mujhe saroj khan ne dance reality show Nach le way me hisa lene ki offer hui thi lekin injiry ki waja se us me sharik na ho saki jis ka mujhe abhi tak afsos hai.

Question: tumhen Chirya ghar me shilpa shande ki jaga cast kya gya hai kyat um samjhti ho k us ne apni adakari se jo naqos chore hain tum bhi wesa hi kar pao gi?

Shubhangi: mujhe shilpa shande boht pasand hai or use use intehai shandar or talented actress samjhti hon koshish karon gi k koyal ke rop me logon ki tawaqat puri kae sakon or mujhe yakin hai k aesa karne me koi mushkil paish nahi aae gi nazrin mujhe bhi shilpa shande ki tarha is role me qabol kar len ge.

Question: acting ki taraf kese ana hua?

Shubhangi: bachpan se hi actor banna chahti thi lekin janti thi k ghar wale kabhi ijazat nahi den ge. Indoor jese chote shehar me rehne wali larki ke lye is field me ana kuch asan na tha lekin mera hamesha se is bat pr yakin raha hai k jo kuch tum chaho ge wo tumhen ek na ek din zaror mil jae ga or mere sath bhi aesa hi hua.

Question: ab tak tum ne jitney shows kye hain un me sab se zyada kon sa paasand hai?

Shubhangi: jis tarha maa ko sabhi bache pyare hote hain or wo un me se kisi ek ko apne dil se karib nahi samjhti yahi kuch apne shows ke bare me keh sakti hon. Is industry me kaam karte hue 7 sal ho chuke hain is doran ye safar boht khush gawar raha or mujhe kai ache logon ke sath kaam karne ka moka mila mere lye kisi ek show ki tariff karna boht mushkil hai albata Kastori career ka yadgar show hai jis ki waja se mujhe ezat, dolat or shohrat mili.

Question: acting shuru karne ke bad zindagi me kya tabdili aai?

Shubhangi: meri zindagi pehle ke muqable me kafi behtar ho gai hai or is ke eke k lamhe se enjoy kar rahi hon. Yun lagta hai jese khwabon ki dunya me rehti hon albata baz oqat aese halat paida ho jate hain jin se kofat hoti hai parastar apni mohabat me ye bhol jate hain k actor ki bhi koi private life hoti hai or use mika ba moka disturb nahi karna chahye aese logon se mujhe koi shikayat nahi hai albata ye zaror chahti hon k wo apni mohabat ke izhar me thori si ihtiyat barten.

Question: tumhari nazar me acting ki  tarif kya hai? 

Shubhangi: main ise jazbat ke izhar ka mosar tarin zarya samjhti hon.

Question: insan ki zindagi me 3 adwar ate hain yani school life, collage life or professional life. Tum ne sab se zyada kis dor se enjoy kya?

Shubhangi: professional life.

Question: acting ke elawa tumhara kya shoq hai?

Shubhangi: mujhe classical dance se boht dilchaspi hai or fursat ke oqat me usi ki practice karti rehti hon.

Question: aam tor pr adakaraen negative role karne ke ghabrati hain q k is tarha un ka screen image khrab hojata hai or audience bhi unhen achi nazar se nahi dekhte phir tum ne Hon me negative role karna q qabol kya?

Shubhangi: main koi mazbot character karna chah rahi thi jo mushkil or challenging ho logon ko is character ke bare me galat fehmi hui hai wo negative nahi balke had darja jazbati role tha wo larki mazbot position hasil karna chahti thi or usi simt me qadam barha rahi thi mujhe is serial me kaam karne pr parastaron ki janib se kai tarifi pegamat mile q k Do hanson ka jora or Kastori me positive role karne ke bad wo mujhe is character me dekh kar boht heran hue the.

Question: tumhari nazar me kamyabi ki tariff kya hai?

Shubhangi: meri nazar me har jeet se zyada is bat ki ahmiyat hai k aap kis tarha khelte hain kamyabi ka matlab apni janib se behtrin kaam karna hai. ye kuch hasil karne ka nahi balke kaam karne ka nam hai jo log short cut ke zarye kuch hasil kar lete hain unhen is ki bhari qimat ada karni parti hai maslan qurbani, jadujehad, shadid mehnat, tanhai or baz oqat hosla shakni. Meri nazar me emandari behtrin policy hai jinhen manzil pr pohnchne ki jaldi hoti hai wo be emani ka rasta ikhteyar karte hain or aqal mand emandari ko gale lagate hain is se koi fark nahi parta k hum kya hai or mashra me hamara kya rutba hai main samjhti hon k zehni sakon hi kamyabi ko janchne ka pemana hai dolat kamana boht asan hai lekin zehni sakon hasil karna boht mushkil is ke lye qanat pasandi ka rasta apnana parta hai.