Home T.V Actors And Actresses  
Worldknowledge1
 
 
 
 
 
Siddhrath Shukla was born on 12th December 1980 in Mumbai, India. Siddhrath Shukla started his career as model, then he also tried to prove his self in Bollywood from the movie I Am In Love but unfortunately this movie could not give the positive response in box office. After that movie he did alots of commercials. In this page you will read and find siddharth shukla full biography.

(Interview Of Siddharth shukla)

 
Siddharth shukla

Profile

Siddharth shukla 13 december 1980 ko mumbai me paida hua talim ko mukamal karne ke bad us ne modeling ke zarye apna career shuru kya or geld reeks ke zare ahtamam hone wale muqable me dosri position hasil ki is ke bad us ek film I am in love me kaam karne ka moka mila jo badqismati se box office pr kamyab na ho saki ta-hum wo modeling ke muqablon me hissa leta raha isi doran use turki me hone wale best model of the world 2005 me shirkat ka moka mila or us ka fatah qarar paya us ne kai mashor brands ke commercials ke lye bhi modeling ki jin me bajaj, fair and lovely, ICI, siyaram or creak cream wagera shamil hain television pr us ka pehla show Babul ka angan chote na tha jis me us ne shibh ka main lead role play kya is ke bad siddharth ko amchan tv ke show Ek packet umid or star one ke show Jane pehchane se ye ajnabi me kaam karne ka moka mila us ka agla show star plus ka Love u zindagi tha jis me us ki adakari ko behad pasand kya gya in dino wo colours tv ke popular show Balika wadho me Shiv raj alok shekhar ka role play kar raha hai.Siddharth shukla ko fassion or filmen dekhne ka shok hai is ke elawa use interior designing se bhi dilchaspi hai wo apne kai doston or family members ke gharo ko bila moaza tazen or araish kar chukka hai acha sportman hai or school ke zamane me table tennis or foot ball khelta raha hai.

Question: suna hai k tumhen pehle Balika vadhhu me ek mukhtasar role ke lye select kya gya tha lekin bad use barha dya gya?

Siddharth: aesi koi bat nahi hai main ne role sunne ke bad hi ise karne pr razamandi zahir kar di thi ye to nahi kehta k mukhtasar role karna mere shan ke khilaf hai albata ye zaror samjhta hon k role agar jandar hai to us ke chote ya bare hone se koi fark nahi parta Balika vaddhu ka role mukhtasar tha or na hi bejan ab tak television pr 4 shows kar chukka hon or is record ko dekhte hue mujhe koi naya adakar nahi keh sakta jo mehaz kaam pakarne ki khatir har tarha ka role karne pr tayar ho jae.

Question: tumhen ye role kis tarha mila is ke lye koshish ki thi ya production house ne tum se khud rabta kya?

Siddharth: kisi ne rabta nahi kyat ha or na hi main ne koi sifarish lagwai thi jab malom hua k is show ke lye auditions ho rahe hain to main bhi qismat azmane chala gya us din sitare meharban the lehaza mujhe is role ke lye select kar lya gya.

Question: kya is show me kaam karne ke bad tumhari zindagi me kisi bhi lehaz se koi tabdili aai?

Siddharth: G han! boht zyada is show ki waja se bari tadad me log pehchane lage hain or mere kaam ki tariff ho rahi hai mere guzishta shows bhi boht ache the or unhen boht pasand kya gya tha lekin Balika wadho ke muqable me un ke dekhne walon ki tadad kuch kam thi jabke ye show dunya bhar me dekha or pasand kya ja raha hai or isi nisbat se hamari popularity bhi barh rahi hai.

Question: kaha jata hai k ye show female lead ke gird ghomta hai or is me mard kirdar ki gunjaish boht kam hai kya tum is se itekaq karte ho?

Siddharth: main samjhta hon k television shows me koi bhi lead character nahi hota q k kahani kisi ek fard ke bajae kai kirdaron ka ahata karti hai ye ek easa mediam hai jis me har ek ke pas shohrat hasil karne ka moka hai kisi bhi marhale pr koi bhi character ubhar kar smne asakta hai lehaza use hi markazi hesiyat hasil ho jati hai.

Question: boht se logon ka khyal hai k in dino daily soap ka mayar girta ja raha hai tum is bare me kya kaho ge?

Siddharth: kisi had tak ye bat durst hai or main bhi is se ikhtelaf nahi karon ga hum television ko ek fast food junction ki tarha samjhte hain jahan hamen hamesha naye zaiqo ki talash rehti hai or har lamha tabdili ke khwahishmand hote hain jese hi koi show TRP hasil karne me nakam hota hai to use band kar dya jata hai or us ki jaga takriban usi se milta julta naya show samne ajata hai logon me koi naya kaam karne ki himat nahi q k unhen us ki kamyabi ka yakin nahi hota achi TRP ke bagair ishteharat nahi milte isi lye channels or production houses mukhtalif kaam karte hue ghabraten hain yahi waja hai k hum lage bandhe formule pr chal rahe hain q k ye ek asan tarika hai or is se matluba nataij hasil ho jate hain.

Question: kya tum ne ye role sign karne se pehle Balika aadhu dekha tha?

Siddharth: sachi bat to ye hai k is se pehle ek dosre show me masrof tha tahum is ki kuch episodes dekh rakhi thi albata mere ghar wale baqaidgi se is ki har qist dekhte hain or un ki zubani mujhe bhi is show ke bare me malom hota rehta hai jabye role sign kya us waqt tak is ke bare me mujhe achi khasi jankari ho gai thi.

Question: tum is show me shev ka character kar rahe ho kya ye kisi bhi andaz se tumhari real life pr asar andaz ho raha hai?

Siddharth: G nahi! Haqiqi zindagi me is character se boht mukhtalif hon shev ek mutawazan, samjhdar or acha insan he jabke main bilkul us jesa nahi hon abhi us se boht kuch sikhna hai or is silsile me koshish jari hai.

Question: tumhare khyal me is waqt Balika vadhu ka muqabla kis show se hai?

Siddharth: sachi bat to ye hai k Balika vadhu ka kisi dosre show se mawazna nahi kya ja sakta mahen number game ki bajae is ki dosri khususiyat ko zehan me rakhna chahye is show ko jis andz me likha gya or jis tarha paish kya ja raha hai wo dosron se boht mukhtalif hai mumkin hai k TRP ki dor me hum kabhi dosre ya tisre number pr hote hain lekin jo feebback mil raha hai us ke mutabiq Balika wadho is waqt chalne wale dosre shows se kahin zyada pasand kya ja raha hai.

Question: is waqt tumhen television industry ka hottest bachelor samjha jata hai kya tumhen Balika vadhu me shamil hone ke bad koi marriage proposal mila?

Siddharth: G han! mujhe sms or e-mail ke zarye is tarha ke pegamat milte rehte hain lekin main ne inhen kabhi sanjidgi se nahi lya janta hon k ye larkian mujh se nahi balke mere character se mohabat karti hain is ke lye un ka tahe dil se mashkor hon.

Question: shadi ka kab tak irada hai?

Siddharth: dulha banne ke lye tayar hon lekin abhi tak dulhan nahi mil saki.

Question: kis tarha ki larki chahte ho?

Siddharth: sachi bat to ye hai abhi tak is bare me kuch nahi socha albata aesi larki se shadi karna pasand karon ga jis se puri tarha connect ho sakon or apne dil ki bat suna sakon us me mazak bardasht karne ka mada hona chahye q k main baz oqat boht khatarnak qisim ka mazak kar jata hon jis se log naraz bhi ho jate hain.

Question: jab shooting na ho rahi ho to tumhari kya masrofiyat hoti hai?

Siddharth: jim chala jata hon ya family ke sath ghar pr waqt guzarta hon agar karne ke lye koi kaam na ho to apni nind puri karta hon.

Question: tumhen interior designing me bhi dilchaspi hai Balika vadhu ke set ke bare me kya kaho ge?

Siddharth: jesa k aap jante hain k aaj kal dramon ki shooting do tarha se hoti hai ya to studios me set lagae jate hain ya phir karae ke gharo me shooting ki jati hai aap ko ye jan kar herat ho gi k Balika vadhu ki tamam shooting studio me ho rahi hai or set designer ne kamal ke set lagae hain agar aap ye drama baqaidgi se dekh rahe hain to andaza ho gya ho ga k designer ne har ghar ka set us ke makinon ki hesiyat or zoq ke mutabiq lagaya hai.

Question: kya tum tv industry me koi bari tabdili chahte ho?  

Siddharth: jesa k pehle keh chukka hon k tv industry ko lage bandhe formule or bherh chal se bahar ana hoga warna tv shows yun hi flop hote rahen ge or log is industry me paisa lagana chor den ge agar tv drame ko bachana hai to jurat se kaam lete hue naye tajurbe karna hon ge or dramon ko haqiqi se karib tar lana hoga akhir audience kab tak sas bhao ke jhagre or gharelo sajishen dekhte rahen ge.

Question: agar tumhen production ka moka mile to kin mozoat ko tarjih do ge?

Siddharth: hamare ird gird latadad kahanian bikhri pari hain agar sirf samaji masail ko hi le lye jae to 100 se zyada daily soap tayar ho sakte hain is ke elawa digar masharti masail bhi hain jin me mehangai, be rozgari, amno aman ki sorate hal, corruption or la qanoniyat wagera shamil hain is silsile me aap ko CID or adalat ki missal dena chahon ga ye dono shows sirf isi lye kamyab hain k in me haqiqat se karib kahanian paish ki jati hain.