Home T.V Actors And Actresses  
Worldknowledge1
 
 
 
 
 
Sushant Singh Rajput was born on 21 January 1986. he is an Indian actor. Sushant Singh Rajput started her career as dancer and then worked in Indian television, which name was “Kis Des me hai mera dil”,”pavitra Rishtay”,”zara Nachke dekha” after sometime he got chanced to work in bollywood. In this page you will read and find Sushant Singh Rajput interview in Urdu and Hindi.

(Interview Of Sushant Singh Rajput)

 

Profile

Sushant singh rajput 21 january 80 ko dehli me paida hua us ne apne career choreographer shyamuk dawar ki zere nigrani dancer ke tor pr shuru kya ye group join karne ke bad 06 ke comman wealth games or film fair awards me performe kya phir us ne meri jun ki theter classes join kar lin mumbai ane ke bad ashle lobotrob ke sath dance show me hissa lya or allen amen se marshal artist ki tarbiyat hasil ki us ne Raz 2 ki shooting ke doran hohit sori ke sath mawone hidayat kar ke tor pr bhi kaam kya is doran bhi theter se us ki wabastagi barkarar rahi or wo nadra ber ke theter group ka member ban gya television pr us ne star plus ke show Kis desh me hai mera dil se debut kya is show mw us ne hero ke bhai prit juneja ka role play kya tha is kirdar ke zarye wo tv nazrin or producers ki nazaron me agya or is kirdar ki maqboliyat ke paish nazar use zee tv ke show Paviter rishta me manao desh much ke role ke lye cast kar lya gya is kirdar me bhi use boht pasand kya gya or show ki heroin ankita lokhande ke sath us ka pair set ho gya 2010 me us ne star plus ke dance reality show Zara nach ke dikha me hissa lya badqismati se pore show ke doran wo bemar raha lekin is ke bawajud us ne shandar performance ka muzahira kar ke a[pne perstaron ki tadad me khatir khwah izafa kya. ise hidayatkari se hamesha hi dilchaspi rahi hai chunancha us ne qomi or bainul aqwami melon ke lye 3 mukhtasar filmen banai jin me us ne adakari ke elawa hidayatkar ke fraiz bhi anjam dye bad azah us ne dance reality show Jhalak dikhla ja 4 me hissa lya jis me us ka pair shampa sonthalia ke sath tha, November 2011 me us ne dhai sal tak Paviter rishta me kaam karne ke bad show sw aledgi ikhteyar kar li or bollywood me qismat azmane chal dya in dino wo writer or director abheshek kapore ki film Kai poche me kaam kar raha hai ji k chatin bhagat ke novel 3 mistake of my life se makhoz hai is ke elawa use manesh sharma ki nayi film me bhi pariniti chopra ke bilmuqabil cast kar lya gya hai jise yash raj fils ke baner tale aditya chopra produce kar raha hai wo raj kumar hirani lo film PK me bhi nazar aae ga jis me aamir khan or anushka sharma markazi kirdar ada kar rahe hain, ye bhi malom hua hai k use imteyaz ali ki next production me shahid kapore ki jaga chose kya gya hai ye ek korian film My girl friend is an agent ka remake hai is film me sushant ki shamuliyat ki ek waja ye bhi hai k wo marshal arts ka mahir hai. Wo 4 behno ka aklota bhai hai is lye ghar bhar ka ladla hai us ne ek aese khandan me janam lya jahan engineer or doctor bhare hue hain chunancha us ne bhi khandani riwayat ki taqlid karte hue engineering collage me dakhla le lya lekin phir achanak hi us pr acting ka bhot sawar ho gya us ne waldain se wada kya k agar kamyab na ho saka to wapas akar dobara engineering ki talim shuru kar dega lekin qismat us pr meharban thi chunancha use ek ke bad dosra moka milta chala gya.

Question: tum ne abhishek kapore ki film kis tarha hasil ki?

Sushant: is ke lye mujhe kai bar audition ke marhale se guzarna para production house or director abhishek ko yakin tha k main is role ke lye bilkul fit hon mujhe khushi hai k unhen apne intakhab pr koi pachtawa nahi or wo meri performance se puri tarha mutmain hain.

Question: kya tumhare zehan me hamesha se hi bollywood me kaam karne ka khyal tha?

Sushant: mujhe aesi koi khwahish nahi thi or sirf apni salahiyato ka izhar karna chahta tha main ne engineering collage ke entry test me top kya tha lekin actor banne ke shok me dakhala nahi lya agar mujhe tv pr chance na milta to film city me canteen khol leta or kuch paise jama karne ke bad short filmen banana shuru kar deta.

Question: tum is film me sports man ka role play kar rahe ho, kya haqiqi zindagi me bhi khelon se lagao hai? 

Sushant: G han! Me golf, tennis or cricket khelta hon meri behan professional cricketer thi or ab is film me kaam karne ke bad khelon se dilchaspi barh gai hai.

Question: ye film mashore novel 3 mistake of my life se makhoz hai ye batao k tum apni zindagi me kon si 3 galtian kar chuke ho?

Sushant: sab se bari galti to intehai mashore engineering collage me dakhla na le kar ki woe k khatarnak faisla tha mujhe apni parhai mukamal karne ke bad is field me ana chahye tha q k yahan kuch pata nahi k kab tak khwar hona pare goh k mujh pr qismat meharban thi or zyada dhake khana nahi pare lekin naye ane walo se yahi kahon ga k wo talim mukamal karne ke bad is field ko join kare take nakami ki sorat me un ke pas koi mutabadil option mojud ho dosri galti theter, tv or professional dancing ko uroj pr chorna tha or tisri galti ye hai k ek bar phir apna shok pura karne ke lye wahi galti dohra raha hon.

Question: tum ne ek kamyab tv show ko chor kar filmi dunya me ane ka faisla kar lya, kya is me koi khatra mehsos nahi kya?

Sushant: main ne 4 sal theter or 2 sal se zyada tv pr kaam kya hai is waqt meri umar 26 sal hai or apni pehli film kar raha hon main samjhta hon k medium ki waja se hi actor me tabdili ati hai mere nazdik sirf ache kaam ki ahmiyat hai chahe koi bhi kaam karon tv theter movies me acting karon, short filmen banaon ya film city me canteen khol lon mujhe kabhi nakami ka dar nahi hota hamesha apne dil ke kehne pr chalta hon isi lye entry test me top karne ke bawajud engineering collage me dakhla nahi lya or mumbai chala aya, yahan pr ibtedai din boht sakht the mujhe ek room me 9 logon ke sath rehna para lekin apne dil ki awaz pr chalta raha kabhi zindagi ne planning nahi ki or na hi ye janta tha k mere pas makan, car or bank balance hoga mujhe sikhne or tajurba karne ka shok hai ek kaam me kamyabi hasil karne ke bad dosri tarf dekhna shuru karta hon.

Question: tum is film me ek mukhtalif look me nazar arahe ho is ke lye koi khas tayari ki thi?

Sushant: agar aap ka ishara 6 pack ki janib hai to ye mehaz itefaqan hi ho gya meri film ka character amer gharane se taluk nahi rakhta lehaza mujhe dubla nazar ane ke lye apna wazan kam karna para is ke lye subha 3 ghante cricket khelta tha is ke elawa rozana 1 ½ ghanta mukhtalif qisim ki exercise bhi karta raha din me 8 martaba khata hon lekin is mamle me boht zyada ahtiyat ki zarorat hai main oble hue khana khata hon jin me tail or namak bilkul nahi hota.

Question: bollywood me aam tasir paya jata hai k tv adakar chote parde pr boht zyada expose hone ke sabab filmo me kamyab nahi ho pate kyat um is se itefaq karte ho?

Sushant: agar is tasir ko durs man lya jae to rajeo khandalwal ki kamyabi pr kya kaha jae ga darasal kisi bhi actor ki kamyabi or nakami me boht se fectors ka dakhal hai jin me qismat, talent, timing, promotion or public relation wagera shamil hain is lehaz se apne aap ko khush qismat samjhta hon k main ne sahi waqt pr filmo me entry di hai mujhe tv pr boht acha moawza mil raha tha or us ko chorna koi asan na tha Paviter rishta chorne ke bad main ne 9 filmo ki offers mutard kye lekin manao ke character se jo image ban chukka tha use jald bazi me nuksan nahi pohncha sakta tha jab Kia poche ki offer hui to is ke lye han kehne me 40 mint lage main abhishek kapore ke sath kaam karne me boht zyada excited tha jis ke vision or energy ne mujhe hamesha mutasir kya.

Question: ankita ke sath tumhare relation ko tavil arsa guzar chuka hai or tum dono ek sath Paviter rishta me bhi kaam kar chuke ho is taluk ke bare me kuch kehna chaho ge?

Sushant: ankita se mujhe energy or taqat mili us ke bagair Paviter rishta me kaam karne ka tasawer bhi nahi kar sakta tha or mere bad us ne jis khobi se apna character nibhaya us ki jitni tariff ki jae wok am hai.

Question: kuch logo ka khyal tha k ankita bhi tumhare sath hi ye show chor de gi lekin aesa nahi hua or us ne tumhare bad bhi kaam jari rakha kya is me tumhari marzi shamil thi?

Sushant: ankita apne mamlat me azad hai or wo apne faisle khud kar sakti hai zarorat parne pr main use mashwara ya tajaviz de sakta hon lekin is ke mamle me madakhalat nahi karta us ne show chorna zarori nahi samjha or main bhi nahi chahta tha k wo aesa kare wese bhi mera production house se koi jhagra nahi hua tha jo wo meri khatir show se aledah ho jati mere show chorne ki wajuhat mukhtalif thi or ankita ka us se koi taluk nahi tha.

Question: ye jante hue k tv dekhne wale tumhari or ankita ki jori ko pasand karte hain or tumhare nikal jane se unhe sadma hoga phir bhi tum ne Paviter rishta se aledgi ikhteyar kar li?

Sushant: mujhe is haqiqat ka ahsas tha or sach to ye hai k Paviter rishta mere dil se boht karib hai main ne is show mw kaam kar ke boht kuch sikha or is se bharpure tariqe se enjoy kya lekin zindagi isi tarha aage barhti hai main bhi is profession me mazid tajurbat karma chah raha tha albata ye mera wada hai k boht jald chote parde pr wapas aon ga.

Question: kuch akhbarat me ye khabar bhi shaah hui hai k tumhare or ankita lokhande ke darmiyan sab kuch thek nahi hai or kai bar ye relationship khatam hote hote reh gai, kya ye waqai aesa hai?

Sushant: main apne or ankita ke bare me is qisim ke fazol sawalon ke jawab dete dete tang achuka hon is se to behtar tha k hum apne relation ko khufya rakhte lekin main ne ise zahir karne me koi burai na samjhi ek bar phir sab logo ko wazah kar dena chahta hon k hamari relationship boht kamyab hai or mujhe is pr bat karne me koi aetaraz nahi lekin is ke sath ye bhi chahon ga k log hamare bare me man gharat khabren shah karna band kar den.

Question: suna hai k tumhe naye sal ki takribat me perform karne ke lye 2 caror ki offer hui thi lekin production house ki janib se aid karda pabandi ke sabab tum is ofer se faida na utha sake?

Sushant: G han! Ye durs hai Kai poche ka treller release hone ke bad mujhe sathi adakaro raj kumar yado or amit sadh ke sath naye sal ke moke pr performe karne ke lye 2 caror ki offer hui thi lekin producers ne hamen manah kar dya q k un ka khyal tha k film ki release se pehle hamen kisi public show me hisa nahi lena chahye us waqt tak film ka music bhi release nahi hua tha lehaza mujhe dosre gano pr perform karna parta.

Question: kya ye sach hai raj kumar hirani ki film me tum intehai mukhtasar role play kar rahe ho jis ke bare me anushka sharma ne kaha hai k is film me tumhara sirf 8 din ka kaam tha?

Sushant: samjh me nahi ata k anushka ko ye kehne ki zarorat q paish aai use mere role ke bare me kya malom hai main ne ye role sirf raj kumar hirani ki waja se qabol kya hai q k un ke sath kaam karna mera khwab tha hirani gee ne pehle hi bata dya tha k ye ek mukhtasar lekin aham role hai is pr main ne unhen kaha k is se koi fark nahi parta agar aap mujhe ye kahen k ek kone se chal kar dosre kone tak jana hai tab bhi main wo role karon ga.